Payal ghosh: నాపై యాసిడ్‌ దాడికి యత్నించారు.. భయంగా ఉంది: పాయల్‌ ఘోష్‌ - payal ghosh claims she escaped acid attack
close
Published : 21/09/2021 14:00 IST
Facebook Share Twitter Share WhatsApp Share Telegram Share Link Share

Payal ghosh: నాపై యాసిడ్‌ దాడికి యత్నించారు.. భయంగా ఉంది: పాయల్‌ ఘోష్‌

ముంబయి: గుర్తు తెలియని వ్యక్తులు తనపై యాసిడ్‌ దాడికి విఫలయత్నం చేశారని నటి పాయల్‌ ఘోష్‌ తెలిపారు. చేతికి గాయాలైన ఫొటోను ఇన్‌స్టా వేదికగా షేర్‌ చేసింది.  ‘ఇంట్లో వాళ్లకు కావాల్సిన మందులు తీసుకువద్దామని చాలా రోజుల తర్వాత బయటకు వెళ్లాను. నా పనులన్ని పూర్తి చేసుకుని కారు ఎక్కుతుంటే.. కొందరు గుర్తు తెలియని వ్యక్తులు ముఖానికి మాస్కులు ధరించి.. నాపై దాడి చేశారు. ఆ సమయంలో నా చేతికి స్వల్ప గాయాలయ్యాయి. వాళ్ల చేతుల్లో యాసిడ్‌ బాటిల్స్ ఉన్నాయి. వాటిని చూసిన వెంటనే సాయం కోరుతూ గట్టిగా కేకలు వేశాను. దాంతో వాళ్లు అక్కడి నుంచి పారిపోయారు. ఆ సంఘటన తర్వాత ప్రతి క్షణం నాకు భయమేస్తోంది. దానిని తలుచుకుంటుంటే ఇప్పటికీ కంగారుగానే ఉంది’ అని పాయల్‌ వివరించారు.

‘ప్రయాణం’తో కథానాయికగా తెలుగువారికి పరిచయమైన పాయల్‌.. ‘ఉసరవెల్లి’లో సహాయనటిగానూ రాణించారు. అనుకున్నంతలో విజయాన్ని అందుకోలేకపోవడంతో ‘పటేల్‌ కీ పంజాబీ షాదీ’తో బాలీవుడ్‌లో అడుగుపెట్టారు. అక్కడ కూడా ఆమెకు నిరాశే ఎదురైంది. మరోవైపు గతేడాది ప్రముఖ దర్శకుడు అనురాగ్‌ కశ్యప్‌పై పాయల్‌ మీటూ ఆరోపణలు చేసిన విషయం తెలిసిందే.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని