బాలుడిని చిదిమేసిన లిఫ్టు‌ గ్రిల్స్‌

తాజా వార్తలు

Published : 29/11/2020 11:46 IST

బాలుడిని చిదిమేసిన లిఫ్టు‌ గ్రిల్స్‌

ఇంటర్నెట్‌ డెస్క్‌: ముంబయిలోని ధారావిలో విషాదం చోటుచేసుకుంది. కోజీ షెల్టర్‌ భవనంలో ఐదేళ్ల బాలుడు లిఫ్టు గ్రిల్స్‌ మధ్యలో ఇరుక్కుపోయి ప్రాణాలు కోల్పోయాడు. ఇతర పిల్లలతో కలిసి కింది అంతస్తుకు వెళ్లేందుకు మహమ్మద్‌ హుజైఫ్‌ సర్ఫరాజ్‌ షేక్‌ అనే బాలుడు లిఫ్టు‌ ఎక్కాడు. ఆ లిఫ్టు‌కు గ్రిల్స్‌తోపాటు దాని వెనక డోర్‌ కూడా ఉంది. గ్రిల్స్‌తోపాటు తలుపు మూసుకోగానే లిఫ్టు‌ కదులుతుంది. అయితే లిఫ్టు కింది అంతస్తుకు చేరుకోగానే మిగతా ఇద్దరు పిల్లలు గ్రిల్స్‌, డోర్‌ తెరుచుకొని బయటకు వెళ్లిపోయారు. చివరలో లిఫ్టు‌లో నుంచి బయటకు వచ్చిన సర్ఫరాజ్‌ గ్రిల్స్‌ మూసివేస్తున్న క్రమంలోనే వెనక ఉన్న తలుపు మూసుకుపోయింది. ఆ మధ్యలోనే ఉండిపోయిన బాలుడికి ఎలా బయటకు వెళ్లాలో తోచలేదు. ఈలోపే మరొకరు లిఫ్టు‌ బటన్‌ నొక్కడంతో అది కిందకు కదిలింది. మధ్యలోనే ఉండిపోయిన బాలుడు లిఫ్టు గ్రిల్స్‌ ‌ మధ్యే నలిగిపోయి ప్రాణాలు విడిచాడు. ఈ మొత్తం ఘటన సీసీ టీవీలో నమోదైంది. 



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని