close

తాజా వార్తలు

Published : 11/04/2021 02:05 IST
Facebook Share Twitter Share WhatsApp Share Telegram Share

విచారణకు వెళ్లిన పోలీసును కొట్టి చంపారు! 

కోల్‌కతా: పశ్చిమ బెంగాల్‌లోని ఉత్తర దినాజ్‌పూర్‌ జిల్లాలో దారుణం చోటుచేసుకుంది. బిహార్‌కు చెందిన ఓ పోలీస్‌ అధికారి బైక్‌ చోరీ కేసులో దర్యాప్తు కోసం వెళ్లగా.. అక్కడి స్థానికులు ఆయన్ని కొట్టి చంపడం కలకలం సృష్టించింది.

బిహార్‌కు చెందిన అశ్వనీ కుమార్‌ కిషన్‌గంజ్‌ పోలీస్‌స్టేషన్‌లో స్టేషన్‌హౌస్‌ అధికారిగా విధులు నిర్వర్తిస్తున్నారు. ఇటీవల ఓ బైక్‌ చోరీ కేసు గురించి ఆరా తీయడం కోసం ఆయన బెంగాల్‌లోని ఉత్తర్‌ దినాజ్‌పూర్‌ జిల్లాకు వెళ్లారు. పంజిపరా పోలీస్‌స్టేషన్‌ పరిధిలో నిందితుడి కోసం గాలింపు ప్రారంభించారు. ఆయన గోల్‌ పొఖారా ప్రాంతంలోని ఓ గ్రామానికి వెళ్లగా.. సదరు గ్రామస్థులు అశ్వనీకుమార్‌పై రాళ్లు, కర్రలతో మూకుమ్మడిగా దాడి చేశారు. దీంతో తీవ్రగాయాలపాలై ప్రాణాలు కోల్పోయాడు. ఈ ఘటనకు సంబంధించి విచారణ చేపట్టామని పూర్ణియా రేంజ్‌ ఐజీ తెలిపారు. పంజిపరాలో ఒకరిని అదుపులోకి తీసుకున్నారు.

ఈ ఘటనపై బిహార్‌ పోలీసులు స్పందిస్తూ.. కేసు విచారణ నిమిత్తం బెంగాల్‌ వెళ్లిన అశ్వనీ కుమార్‌ స్థానిక పోలీసుల సహకారం కోరారు. కానీ బెంగాల్‌ పోలీసులు అతడి వెంట బృందాన్ని పంపడంలో విఫలమయ్యారని ఆరోపించారు.


 

ఇవీ చదవండి


 

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని