Tamilnadu: ఆలయంలో వృద్ధుడి ఆత్మాహుతి

తాజా వార్తలు

Published : 10/07/2021 08:21 IST

Tamilnadu: ఆలయంలో వృద్ధుడి ఆత్మాహుతి

డీఎంకే అధికారంలోకి వస్తే ప్రాణాలర్పిస్తానని మొక్కు

ఆర్కేనగర్‌, న్యూస్‌టుడే: డీఎంకే అధికారంలోకి వస్తే ప్రాణాలు అర్పిస్తానని మొక్కుకున్న ఓ వృద్ధుడు ఆత్మహత్య చేసుకున్నాడు. తమిళనాడులోని కరూర్‌ జిల్లా లాలాపేటకు చెందిన ఉలగనాథన్‌ (60) రవాణా శాఖ విశ్రాంత ఉద్యోగి. శుక్రవారం మణమంగలం పుదు కాళియమ్మన్‌ ఆలయంలోకి వెళ్లాడు. ఒంటిపై పెట్రోల్‌ పోసుకొని నిప్పంటించుకున్నాడు. ఆలయ సిబ్బంది మంటలు ఆర్పేందుకు యత్నించినా అప్పటికే ప్రాణాలు కోల్పోయాడు. వాంగల్‌ పోలీసులు అతడు రాసిన ఓ లేఖను స్వాధీనం చేసుకున్నారు. అందులో ‘శాసనసభ ఎన్నికల్లో డీఎంకే గెలిచి స్టాలిన్‌ సీఎం కావాలని, ఎమ్మెల్యేగా సెంథిల్‌బాలాజీ విజయం సాధించాలని మొక్కుకున్నాను. విళుపురం జిల్లా గ్రామ నిర్వాహక అధికారిగా పనిచేస్తున్న నా కుమారుడిని మంత్రి సెంథిల్‌బాలాజీ పరిధిలో నియమించాలి. అదే నా చివరి ఆశ’ అని ఆ లేఖలో ఉంది.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని