11మంది మహిళల్ని చంపిన సీరియల్‌ కిల్లర్‌.. చివరకు! 

తాజా వార్తలు

Updated : 10/02/2021 05:13 IST

11మంది మహిళల్ని చంపిన సీరియల్‌ కిల్లర్‌.. చివరకు! 

క్లేవ్‌లాండ్‌: 11 మంది మహిళల్ని హతమార్చిన కేసులో మరణశిక్ష పడిన ఓ సీరియల్‌ కిల్లర్‌ అంతుచిక్కని రోగంతో మరణించాడు. ఈ ఘటన అమెరికాలో చోటుచేసుకుంది. ఒహైయోకి చెందిన ఆంటోనీ సోవెల్‌ (61)కి మహిళల్ని చంపి ఇంటి పరిసరాల్లో దాచిపెట్టిన కేసులో మరణశిక్ష పడింది. అయితే, కారాగారంలో ఉన్న అతను అంతుబట్టని రోగానికి గురైన సోమవారం  ప్రాణాలు విడిచినట్టు అధికారులు తెలిపారు. అతడి మరణానికి కరోనా కారణం కాదని స్పష్టంచేశారు. వివరాల్లోకి వెళ్తే.. 2009 అక్టోబర్‌లో  పోలీసులు ఓ అత్యాచారం కేసులో సోవెల్‌ను విచారించారు. ఈ నేపథ్యంలో అతడి ఇంట్లో సోదాలు చేయగా.. రెండు మృతదేహాలను గుర్తించారు. ఆ తర్వాత మరింత విస్తృతంగా గాలించిన పోలీసులు 11మంది మహిళల అవశేషాలను వెలికితీశారు.

మహిళల్ని చంపిన కేసులో అరెస్టయిన సోవెల్‌పై నేరం రుజువు కావడంతో 2011లో మరణ శిక్ష పడింది. మహిళల్ని చంపిన కేసుతో పాటు ఇద్దరు మహిళలపై అత్యాచారం, మరొకరిపై అత్యాచారయత్నం కేసులో కూడా న్యాయస్థానం అతడిని దోషిగా తేల్చింది. జైలులో ఉన్న సోవెల్‌.. తనకు కింది కోర్టు విధించిన శిక్షపై పదేపదే అప్పీల్‌కు చేస్తూ వచ్చాడు. తనపై నేర విచారణ నిష్పక్షపాతంగా జరగలేదంటూ పిటిషన్‌ వేశాడు. దీనిపై గతేడాది మే నెలలో ముగ్గురు న్యాయమూర్తుల ప్యానల్‌ విచారించి.. అతడు చేస్తున్న ఆరోపణలపై సరైన ఆధారాలను సమర్పించడంలో విఫలమయ్యాడని పేర్కొంది. ఆరోపణలపై ఆధారాల్లేవని కొట్టివేసింది. అలాగే, తనకు శిక్ష నుంచి మినహాయింపు కోరుతూ అతడు దాఖలు చేసిన పిటిషన్‌ను కూడా  కొట్టివేసింది.

ఇదీ చదవండి..

నార్సింగి హత్యాచారం కేసులో దోషికి ఉరిశిక్ష


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని