close

తాజా వార్తలు

Published : 01/11/2020 01:33 IST
Facebook Share Twitter Share WhatsApp Share Telegram Share

లైంగిక దాడి నుంచి ఓనర్‌ను కాపాడిన శునకం

ముంబయి: అపాయం నుంచి ఇంటి యజమానురాలిని కాపాడి విశ్వాసం చాటుకుందో పెంపుడు శునకం. మహిళపై లైంగిక దాడి చేసే ఉద్దేశంతో ఇంట్లోకి ప్రవేశించిన ఓ వ్యక్తిని పసిగట్టి పదే పదే బిగ్గరగా అరుస్తూ పట్టించింది. ముంబయిలో జరిగిన ఈ ఘటన ఆలస్యంగా వెలుగులోకి వచ్చింది. పోలీసులు తెలిపిన వివరాల ప్రకారం.. ముంబయిలోని పొవాయ్‌ ప్రాంతంలో 33 ఏళ్ల మహిళ తన ఏడేళ్ల కూతురితో అద్దెంట్లో నివాసం ఉంటున్నారు. ఆమె ఓ శునకాన్ని పెంచుకుటున్నారు. ఇటీవలే ఆమె భర్త మరణించాడు. ఈ క్రమంలో స్థానికంగా ఉండే సర్దార్‌ ఆలం అనే 25 ఏళ్ల వ్యక్తి మహిళతో స్నేహానికి ప్రయత్నించగా ఆమె తిరస్కరించారు. దీంతో కక్ష పెట్టుకున్న నిందితుడు ఆమెపై లైంగిక దాడి చేసి ప్రతీకారం తీర్చుకోవాలనుకున్నాడు. ఈ క్రమంలో మంగళవారం కిటికీలోంచి ఆమె ఇంట్లోకి షర్ట్‌ లేకుండా గుట్టుచప్పుడు కాకుండా ప్రవేశించాడు. పసిగట్టిన పెంపుడు శునకం పదే పదే బిగ్గరగా అరుస్తూ అప్రమత్తం చేసింది. దీంతో ఆ మహిళ ఇంట్లో సర్దార్‌ ఆలంను గుర్తించి అలారం మోగించారు. వెంటనే పోలీసులకు సమాచారం ఇచ్చారు. దీంతో నిందితుడు అక్కడి నుంచి పరారయ్యాడు. అనంతరం అతడిని అరెస్టు చేసిన కోర్టులో హాజరు పరిచిన పోలీసులు రిమాండ్‌కు తరలించారు.


Tags :

క్రైమ్

రాజకీయం

జనరల్‌

సినిమా

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.