పుట్టినరోజు వేడుకకు పిలిచి అత్యాచారం.. మహిళా కానిస్టేబుల్‌పై దారుణం

తాజా వార్తలు

Updated : 26/09/2021 10:20 IST

పుట్టినరోజు వేడుకకు పిలిచి అత్యాచారం.. మహిళా కానిస్టేబుల్‌పై దారుణం

నీమచ్‌: మధ్యప్రదేశ్‌లోని నీమచ్‌ జిల్లాలో దారుణం చోటుచేసుకుంది. కానిస్టేబుల్‌గా పనిచేస్తున్న 30 ఏళ్ల మహిళపై ముగ్గురు వ్యక్తులు అత్యాచారానికి పాల్పడ్డారు. ఆ ఘటనను వీడియో తీసి బెదిరింపులకు దిగారు. ఈ నెల మొదటి వారంలో చోటుచేసుకున్న దారుణానికి సంబంధించి బాధితురాలు సెప్టెంబరు 13న ఫిర్యాదు చేసినట్లు పోలీసులు శనివారం చెప్పారు. ఐదుగురిపై కేసు నమోదుచేశామని, ప్రధాన నిందితుడు, అతని తల్లిని అరెస్టు చేశామని తెలిపారు. ‘‘ప్రధాన నిందితుడు ఫేస్‌బుక్‌ వేదికగా బాధితురాలితో స్నేహం చేశాడు. ఈ ఏడాది ఏప్రిల్‌ నుంచి వాట్సప్‌లో సంప్రదింపులు జరిపాడు. ఈ క్రమంలో తన తమ్ముడి పుట్టినరోజు వేడుకకు ఆహ్వానించాడు. అక్కడ ముగ్గురు వ్యక్తులు కానిస్టేబుల్‌పై అత్యాచారం చేశారు’’ అని వివరించారు. ప్రధాన నిందితుడు, అతని సోదరుడు, వేడుకకు హాజరైన మరో వ్యక్తి తనపై దారుణానికి పాల్పడ్డారని బాధితురాలు ఫిర్యాదులో పేర్కొందని చెప్పారు. అత్యాచారం తర్వాత ప్రధాన నిందితుడి తల్లి, మరొకరు చంపేస్తామని బెదిరించారని, డబ్బులు దోచుకునే ప్రయత్నం చేశారని బాధితురాలు వాపోయారని తెలిపారు.



Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని