Published : 18/01/2021 03:43 IST
Facebook Share Twitter Share WhatsApp Share Telegram Share

రెండో రోజు 1228 మందికి టీకా

టీకా వేయించుకుంటున్న డాక్టర్‌ రమాదేవి

ఈనాడు డిజిటల్‌, తిరుపతి, చిత్తూరు వైద్యవిభాగం: జిల్లాలో కరోనా టీకా కార్యక్రమం ఆదివారమూ కొనసాగింది. వైద్యులు, సిబ్బంది టీకా వేయించుకునేందుకు ముందుకొచ్చారు. జిల్లాలో 29 కేంద్రాల్లో వ్యాక్సినేషన్‌ కార్యక్రమం జరిగింది. రెండోరోజు 2,426 మందికి గాను 1,228 మంది వ్యాక్సిన్‌ వేయించుకున్నారు. మిగిలిన వారిలో 255 మంది భయాందోళనతో, 50 మంది బాలింతలు, ముగ్గురు క్యాన్సర్‌ బాధితులు, 235 మంది వేచి చూసే ధోరణి, ముగ్గురికి కరోనా సోకడం, 31 మంది గర్భిణులు, 46 మంది అలర్జీ బాధితులు, 660 మంది ఇతరత్రా కారణాలతో హాజరుకాలేదు. వీరికి మరో విడత టీకా ఇవ్వనున్నారు. కార్యక్రమం వారం రోజులకు పైగా సాగనుందని డీఎంఅండ్‌హెచ్‌వో పెంచలయ్య తెలిపారు.

52 మందికి కరోనా

ఈనాడు డిజిటల్‌, తిరుపతి: జిల్లాలో 52 మందికి కొత్తగా కరోనా సోకింది. శనివారం ఉదయం 9 గంటల నుంచి 24 గంటల వ్యవధి వరకు వివరాలను వైద్య, ఆరోగ్యశాఖ ఆదివారం ఉదయం బులెటిన్‌ ద్వారా తెలిపింది. కొత్త కేసుల్లో తిరుపతి నగరం 24, చిత్తూరు 6, తిరుపతి గ్రామీణ 6, వడమాలపేట 3, చంద్రగిరి, గుడిపాల, కుప్పం, పుత్తూరులో 2 వంతున, మదనపల్లె, సదుం, తంబళ్లపల్లె, తవణంపల్లె, వాల్మీకిపురంలో ఒకటి వంతున పాజిటివ్‌ కేసులు నమోదయ్యాయి.


Tags :

మరిన్ని

జిల్లా వార్తలు
తాజా వార్తలు
మరిన్ని