Football: మ్యాచ్‌ మధ్యలోకి పరిగెత్తుకొచ్చిన బాలుడు

తాజా వార్తలు

Published : 14/08/2021 01:07 IST

Football: మ్యాచ్‌ మధ్యలోకి పరిగెత్తుకొచ్చిన బాలుడు

ఇంటర్నెట్‌ డెస్క్‌: ఏదైనా మ్యాచ్‌ జరుగుతున్న సమయంలో తమ అభిమాన ఆటగాళ్లను చూసేందుకు  మైదానంలోకి ప్రేక్షకులు దూసుకురావడం చూస్తూనే ఉంటాం. అయితే ఎఫ్‌సీ సిన్సినాటి, ఓర్లాండో సిటీ ఎస్‌సీ మధ్య అమెరికాలో జరిగిన ఫుట్‌బాల్‌ మ్యాచ్‌లో ఓ చిన్నారి గ్రౌండ్‌ మధ్యలోకి పరుగెత్తుకు రావడం అందరినీ ఆశ్చర్యానికి గురి చేసింది. మ్యాచ్‌ జరుగుతుండగా ఉన్నట్టుండి ఓ రెండేళ్ల బాలుడు గ్రౌండ్‌ మధ్యలోకి పరుగెత్తాడు. ఎందుకు పరుగెత్తుతున్నాడో తెలియని ప్రేక్షకులు ఒక్క క్షణంపాటు బాలుడ్నే చూడసాగారు. తన వెనకే తల్లి కూడా పరుగెత్తుకుంటూ వచ్చి ఆ బాలుడిని పట్టుకునే ప్రయత్నం చేయగా జారి పడింది. తాజాగా ఆ వీడియో సోషల్‌ మీడియాలో వైరల్‌గా మారింది. ముందుగా తల్లి, కొడుకుల ఫొటోను జర్నలిస్ట్ సామ్ గ్రీన్ ట్విటర్‌లో పంచుకున్నారు. తర్వాత ఆ వీడియోను ‘మేజర్ లీగ్ సాకర్’ తన ట్విటర్‌ ఖాతాలో షేర్‌ చేసింది. గతంలోనూ క్రీడాకారులపై విపరీతమైన అభిమానంతో సిబ్బందిని దాటుకొని అలా వచ్చిన సంఘటనలు ఉన్నాయి. కానీ, ఏమీ తెలియని రెండేళ్ల బాలుడు రావడంతో నెటిజన్లు ఈ వీడియోను ఆసక్తిగా వీక్షిస్తున్నారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని