ఒక్కటైన సిర్పూర్‌ అబ్బాయి, నేపాలీ అమ్మాయి

తాజా వార్తలు

Updated : 05/07/2021 05:53 IST

ఒక్కటైన సిర్పూర్‌ అబ్బాయి, నేపాలీ అమ్మాయి

సిర్పూర్‌(టి): కరోనా వ్యాప్తిని అరికట్టేందుకు పలు దేశాలు ఇతర దేశాలకు రాకపోకలను నిలిపివేశాయి. అలాంటి సమయంలోనూ తమ ప్రేమను నిలుపుకొని ఓ జంట ఒక్కటైంది. కొవిడ్ ఆంక్షలతో అమ్మాయి తల్లిదండ్రులు భారత్‌కు రాలేకపోవడంతో.. అబ్బాయి బంధువులే అమ్మానాన్నలుగా మారి కన్యాదానం జరిపించారు. 

కుమురం భీం జిల్లా సిర్పూర్(టి) మండలానికి చెందిన అచ్యుత్ కుమార్.. ఖతార్‌లో మెకానికల్ ఇంజినీర్‌గా పని చేస్తున్నాడు. అక్కడే నేపాల్‌కు చెందిన రమీల అనే యువతితో ప్రేమలో పడ్డాడు. వారి ప్రేమను ఇరు కుటుంబాల పెద్దలు ఒప్పుకున్నారు. దీంతో అబ్బాయి స్వస్థలంలో వివాహం జరిపాలనుకున్నారు. అయితే ఈ క్రమంలోనే కరోనా వైరస్ విజృంభించి.. దేశాల మధ్య రాకపోకలు నిలిచిపోయాయి. పలు ఆంక్షల నడుమ వరుడు స్వదేశానికి చేరుకున్నాడు. కానీ వధువు నేపాల్‌లోనే ఉండిపోయింది. అయినా ఎలాగైనా ఒక్కటవ్వాలని ఆ జంట భావించింది. అధికారులకు పలు ఆధారాలు చూపించడంతో రమీలతోపాటు తన సోదరుడిని మాత్రమే భారత్‌లోకి అనుమతించారు. వధువు తల్లిదండ్రులకు అనుమతి లభించలేదు. దీంతో వరుడి మేనమామ, మేనత్తలు అమ్మాయికి అమ్మానాన్నలుగా మారి వివాహం ఘనంగా జరిపించారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని