Asteroid: భూమికి సమీపంగా భారీ గ్రహశకలం!

తాజా వార్తలు

Published : 22/07/2021 01:20 IST

Asteroid: భూమికి సమీపంగా భారీ గ్రహశకలం!

ప్రమాదమేమీ లేదన్న నాసా

వాషింగ్టన్‌: ఈ నెల 24న భూమికి సమీపం నుంచి ఓ భారీ గ్రహశకలం వెళ్లనుందని అమెరికా అంతరిక్ష పరిశోధనా సంస్థ నాసా వెల్లడించింది. ‘2008 గో20’గా పేర్కొంటున్న ఈ గ్రహశకల వ్యాసం 220 మీటర్లు. అంటే దాదాపు ఒక ఫుట్‌బాల్‌ స్టేడియం పరిమాణం. ఇది భూమికి 2.87 బిలియన్‌ కిలోమీటర్ల దూరం నుంచి దూసుకెళ్లనుంది. చంద్రుడికి, భూమికి గల మధ్య దూరంతో పోలిస్తే ఇది 8 రెట్లు అధికం. భూమి దిశగా ఈ భారీ గ్రహశకలం సెకనుకు 8 కి.మీ వేగంతో వస్తోంది. అయితే, ఆ గ్రహశకలం మన భూమిని తాకే అవకాశం లేదని నాసా స్పష్టం చేసింది. గతంలోనూ పలుసార్లు భారీ గ్రహ శకలాలు భూమికి అతి సమీపంగా వెళ్లిన సందర్భాలు ఉన్నాయి.

అయితే, ఈ గ్రహశకలపు కక్ష్యను ‘అపోలో’గా గుర్తించారు. భూమికి సమీపంగా వెళ్లే ప్రమాదకరమైన గ్రహశకలాల కక్ష్యను అపోలో కక్ష్యగా వర్గీకరిస్తారు. భూమిని తాకే అవకాశాలు లేకపోయినప్పటికీ.. ‘2008 గో20’ గమనాన్ని నిరంతరం పరిశీలిస్తున్నట్లు నాసా పేర్కొంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని