TS news: సింగరేణిలో పదవీవిరమణ వయస్సు పెంపు

తాజా వార్తలు

Updated : 26/07/2021 16:18 IST

TS news: సింగరేణిలో పదవీవిరమణ వయస్సు పెంపు

హైదరాబాద్‌: సింగరేణిలో పదవీవిరమణ వయస్సు 61 ఏళ్ల పెంపునకు బోర్డ్‌ ఆఫ్‌ డైరెక్టర్ల సమావేశం ఆమోదం తెలిపింది. ఈ నిర్ణయాన్ని మార్చి 31 నుంచి అమలు చేయనున్నారు. దీంతో మార్చి 31 నుంచి జూన్‌ 30 మధ్యలో పదవీవిరమణ చేసిన ఉద్యోగులు, అధికారులకు తిరిగి ఉద్యోగాలు ఇవ్వనున్నట్లు సింగరేణి సీఎండీ శ్రీధర్‌ తెలిపారు. ఈ నిర్ణయం వల్ల 43,899 మంది అధికారులు, కార్మికులకు లబ్ధి చేకూరుతుందని తెలిపారు. ముఖ్యమంత్రి ఆదేశాలకు అనుగుణంగా నిర్ణయం తీసుకున్నట్లు చెప్పారు. త్వరలోనే విధివిధానాలను వెల్లడిస్తామన్నారు. పెళ్లయిన, విడాకులు పొందిన కుమార్తెలకు కూడా కారుణ్య నియామకాల్లో అవకాశాలు ఇవ్వనున్నట్లు తెలిపారు. ఆర్థికంగా వెనుకబడిన వర్గాల వారికి ఉద్యోగాల్లో పది శాతం రిజర్వేషన్‌ అమలుకు ఆమోదం తెలిపినట్లు పేర్కొన్నారు. సింగరేణిలో అన్ని ఉద్యోగాలకు లింగ భేదం లేకుండా అవకాశాల అనుమతికి సమావేశం ఆమోదం తెలిపినట్లు శ్రీధర్‌ వెల్లడించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని