ఆనందయ్య మందుపై మరో వివాదం

తాజా వార్తలు

Updated : 05/06/2021 18:50 IST

ఆనందయ్య మందుపై మరో వివాదం

నెల్లూరు: కృష్ణపట్నం ఆనందయ్య మందుపై వివాదాలు వెంటాడుతున్నాయి. రాష్ట్ర ప్రభుత్వం అనుమతి లేకపోవడంతో గత కొన్ని రోజులుగా ఔషధం పంపిణీ నిలిచిపోయిన విషయం తెలిసిందే. ఆయుష్‌ విభాగం పరీక్షల అనంతరం ఎట్టకేలకు మందు పంపిణీకి అనుమతి లభించింది. ఈనెల 7నుంచి ఔషధం పంపిణీ చేసేందుకు ఆనందయ్య సమాయత్తమవుతున్న నేపథ్యంతో తాజాగా మరో వివాదం తెరపైకి వచ్చింది.
 
సర్వేపల్లి వైకాపా ఎమ్మెల్యే కాకాణి గోవర్దన్‌రెడ్డి .. ఆనందయ్యమందుతో భారీ వ్యాపారానికి కుట్ర పన్నారని తెదేపా సీనియర్‌నేత సోమిరెడ్డి చంద్రమోహన్‌రెడ్డి ఆరోపించారు.  మీడియా సమావేశంలో ఆయన మాట్లాడుతూ... సెశ్రిత కంపెనీ ఆనందయ్య మందు పేరుతో వెబ్‌సైట్‌ తయారు చేసిందని, ఆ కంపెనీ నిర్వాహకులు ఎమ్మెల్యే కాకాణి, వైకాపాకు అత్యంత సన్నిహితులని వెల్లడించారు. నకిలీ మద్యం తరహాలోనే నకిలీ వెబ్‌సైట్‌ రూపకల్పన జరిగిందని సోమిరెడ్డి అన్నారు. ఆనందయ్య ఔషధం ఒక్కో ప్యాకెట్‌ 167 రూపాయలకు అమ్ముకునేందుకు పన్నాగం పన్నారని ధ్వజమెత్తారు.

ఆనందయ్య కుటుంబ సభ్యులు ప్రశ్నించడంతో వెబ్‌సైట్‌ను పక్కన పెట్టారని ఆరోపించారు. ప్రభుత్వం స్పందించి కుట్రపై సుమోటోగా కేసు నమోదు చేయాలని సోమిరెడ్డి డిమాండ్‌ చేశారు. మే ఒకటో తేదీ నుంచే కాకాణి పాచికలు మొదలయ్యాయని విమర్శించారు. ఆనందయ్య ఔషధంతో సొమ్ము చేసుకోవాలని కుట్రలు మొదలయ్యాయన్నారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని