Polavaram: ముంపులో 38 గ్రామాలు.. ప్యాకేజీ కోసం బాధితుల ఆవేదన

తాజా వార్తలు

Updated : 26/07/2021 13:52 IST

Polavaram: ముంపులో 38 గ్రామాలు.. ప్యాకేజీ కోసం బాధితుల ఆవేదన

దేవీపట్నం: గోదావరి వరద ఉద్ధృతికి తూర్పు గోదావరి జిల్లా దేవీపట్నం మండలంలో 38 గ్రామాలు నీట మునిగాయి. దీంతో కొన్ని గ్రామాల ప్రజలు పునరావాస కాలనీలకు వెళ్లినప్పటికీ.. చాలా గ్రామాలకు చెందిన నిర్వాసితులు ప్యాకేజీ చెల్లించే వరకే ఇక్కడే ఉంటామని చెబుతున్నారు. పోలవరం కాఫర్‌ డ్యాం పూర్తవడంతో గోదావరి వెనుక జలాలు దేవీపట్నం మండలంలోని పి. గొందూరు, పూడిపల్లి, తాళ్లూరు, కొండమొదలు, చిన్న రమణయ్యపేట, సీతారం గ్రామాలను ముంచేశాయి. నివాసాలన్నీ నీటితో మునిగిపోవడంతో కొందరు ఇళ్ల పైకప్పులపై, సమీప కొండ ప్రాంతంలో తల దాచుకుంటున్నారు.

త్వరలో ప్యాకేజీ ప్రకటిస్తామని వరద నీటి నుంచి బయటకు రావాలని ఐటీడీఏ పీవో ప్రవీణ్ ఆదిత్య, సబ్ కలెక్టర్ సింహాచలం, తాహసీల్దార్ వీర్రాజు ప్రజలను కోరారు. కాగా, పూర్తిస్థాయిలో ప్యాకేజీ ఇస్తేనే బయటకు వస్తామని వారు చెబుతున్నారు. ‘‘పోలవరం ప్రాజెక్టు ముంపు బాధితులమైన మాకు పూర్తిస్థాయిలో ప్యాకేజీ ఇచ్చి న్యాయం చేస్తారని నమ్మి వైకాపాకు ఓట్లు వేశాం. తీరా నెగ్గిన తర్వాత మొండిచేయి చూపించారు’’ అని పలువురు ఆవేదన వ్యక్తం చేశారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని