KTR: వైద్య విద్యార్థినికి కేటీఆర్ సాయం.. ఎంబీబీఎస్ పూర్తయ్యే వరకు అండగా ఉంటానని హామీ

తాజా వార్తలు

Published : 07/10/2021 01:13 IST

KTR: వైద్య విద్యార్థినికి కేటీఆర్ సాయం.. ఎంబీబీఎస్ పూర్తయ్యే వరకు అండగా ఉంటానని హామీ

హైదరాబాద్‌: ఫీజు చెల్లించలేక వైద్య విద్యను మధ్యలోనే మానేసే పరిస్థితిలో ఉన్న విద్యార్థినికి తెరాస కార్యనిర్వాహక అధ్యక్షుడు, మంత్రి కేటీఆర్ అండగా నిలిచారు. ఎంబీబీఎస్ చదివేందుకు అవసరమైన ఆర్థిక సాయం చేశారు. హైదరాబాద్ బోరబండకు చెందిన తిరుపతి అనూష కిర్గిస్థాన్‌ హెల్త్ యూనివర్సిటీలో ఎంబీబీఎస్ చదువుతోంది. తండ్రి వాచ్‌మెన్‌గా పనిచేస్తుండగా.. తల్లి కూరగాయలు విక్రయిస్తూ జీవనం సాగిస్తున్నారు. మెడిసిన్‌లో మొదటి మూడేళ్లు 95శాతం మార్కులతో ఉత్తమ ప్రతిభ కనబరిచిన అనూష.. కరోనా పరిస్థితుల కారణంగా హైదరాబాద్ వచ్చారు. తిరిగి వెళ్లేందుకు కుటుంబ ఆర్థిక పరిస్థితులు సహకరించక పోవడంతో కూరగాయలు అమ్ముతూ తల్లికి సాయం చేస్తోంది. విషయం తెలుసుకున్న కేటీఆర్.. అనూషకు ఆర్థిక సాయం చేసి ఎంబీబీఎస్ పూర్తయ్యే వరకు అండగా ఉంటానని హామీ ఇచ్చారు. కోర్సు పూర్తి చేసుకొని డాక్టర్‌గా తిరిగి రావాలని ఆకాంక్షించారు. అనూష కుటుంబసభ్యులు కేటీఆర్ కుటుంబానికి కృతజ్ఞతలు తెలిపారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని