TS News: వాగు, వంకలు దాటెళ్లి వైద్యసేవలు

తాజా వార్తలు

Updated : 21/07/2021 14:11 IST

TS News: వాగు, వంకలు దాటెళ్లి వైద్యసేవలు

ఆళ్లపల్లి: ప్రభుత్వ ఉద్యోగం వచ్చాక కొందరిలో జవాబుదారీతనం కనిపించదు. ఏ చిన్న కారణం దొరికినా సెలవు పెట్టి విధులకు దూరంగా ఉండేందుకు ప్రయత్నించేవారు చాలా మందే ఉంటారు. అలాంటిది ఓ వైపు వర్షం మరోవైపు పొంగుతున్న వాగు, రోడ్డు లేదు.. వాహనం లేదు. ఇలాంటి పరిస్థితుల్లో మెడలో స్టెతస్కోప్‌తో వాగు దాటి కొండకోనల్లో నుంచి ఏజెన్సీ ప్రాంతానికి చేరుకున్నారు ఓ వైద్యురాలు. వాగులు, వంకలు లెక్క చేయకుండా గిరిజనుల కోసం కదిలొచ్చిన డాక్టర్‌ సంధ్యారాణి తెలంగాణలోని భద్రాద్రి కొత్తగూడెం జిల్లా ఆళ్లపల్లి మండల వైద్యురాలిగా విధులు నిర్వర్తిస్తున్నారు.

కరోనా విపత్తు వేళ ఏజెన్సీ ప్రాంత ప్రజల ఆరోగ్యం కోసం నిరంతరం సేవలు అందించిన సంధ్యారాణి గిరిజన తండాల్లో వైరస్‌ కట్టడికి కీలక పాత్ర పోషించారు. ఇటీవల వర్షాల కారణంగా కిన్నెరసాని వాగు ఉప్పోంగుతోంది. ఈ వాగును దాటుకుంటూ మందులను తీసుకొని ఏజెన్సీ ప్రాంతానికి వెళ్లి సేవలు అందిస్తున్న సంధ్యారాణి వైద్యో నారాయణో హరీ అన్న నానుడిని సార్థకం చేస్తున్నారు. 



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని