Viral: అమెరికా తీరంలో రంగురంగుల మత్స్యం

తాజా వార్తలు

Published : 23/07/2021 01:20 IST

Viral: అమెరికా తీరంలో రంగురంగుల మత్స్యం

ఇంటర్నెట్ డెస్క్‌: వెండి, నారింజ రంగులు కలబోసిన భారీ చేపను మీరెప్పుడైనా చూశారా? తాజాగా అలాంటి ఓ చేప అమెరికాలోని ఒరెగాన్‌ తీరానికి కొట్టుకొచ్చింది. దాని బరువు 45 కిలోలు. ఒపాగా పిలిచే ఆ చేప ఫొటోలు ఇప్పుడు సామాజిక మాధ్యమాల్లో వైరల్‌ అవుతున్నాయి. కొన్ని ప్రాంతాల్లో దీనిని మూన్‌ ఫిష్‌గా కూడా పిలుస్తారు. మూడున్నర అడుగుల పొడవున్న ఈ చేప వెండి, ప్రకాశవంతమైన నారింజ రంగుల్లో.. శరీరంపై తెల్లని మచ్చలతో ఎంతో ఆకర్షణీయంగా కనిపిస్తోంది. దీని విచిత్రమైన రంగుకు నెటిజన్లు ఫిదా అవుతున్నారు.

సాధారణంగా ఈ చేపలు ఆరు అడుగుల పొడవుతో సుమారు 270 కిలోల బరువు వరకు పెరుగుతాయి. ఇవి ఎక్కువగా ఉష్టమండల, సమశీతోష్ణ జలాల్లో.. సముద్రంలోని లోతైన ప్రాంతాల్లో నివసిస్తుంటాయి. అయితే లోతైన సముద్ర జలాల్లో ఉండే చేపలు తీరానికి కొట్టుకొనిరావడం ఆందోళన కలిగించే అంశంగా పర్యావరణవేత్తలు అభిప్రాయపడుతున్నారు. వాతావరణంలో చోటుచేసుకుంటున్న మార్పుల నేపథ్యంలో సముద్ర జాలాలు వేడెక్కడంతో ఈ చేపలు చల్లని నీటి కోసం ఉత్తర దిక్కుకు వలస వెళ్తున్నట్లుగా వారు భావిస్తున్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని