ప్రైవేట్‌ ఉద్యోగాల్లో 75% కోటాకు హరియాణా గవర్నర్ ఓకే!
close

తాజా వార్తలు

Published : 03/03/2021 01:22 IST
Facebook Share Twitter Share WhatsApp Share Telegram Share Link Share

ప్రైవేట్‌ ఉద్యోగాల్లో 75% కోటాకు హరియాణా గవర్నర్ ఓకే!

సీఎం మనోహర్‌లాల్‌ ఖట్టర్‌ వెల్లడి

చండీగఢ్‌: రాష్ట్రంలోని ప్రైవేటు రంగం ఉద్యోగాల్లో స్థానికులకే 75 శాతం రిజర్వేషన్లు కల్పిస్తూ హరియాణా ప్రభుత్వం తీసుకొచ్చిన బిల్లుకు ఆ రాష్ట్ర గవర్నర్‌ సత్యదేవ్‌ నారాయణ్‌ ఆర్య ఆమోద ముద్ర వేశారు. ప్రైవేటు సెక్టార్‌లో నెలకు రూ.50 వేల వేతనం కంటే తక్కువ వచ్చే ఉద్యోగాల్లో స్థానికులకు 75 శాతం రిజర్వేషన్‌ కల్పిస్తూ ఖట్టర్‌ ప్రభుత్వం గతేడాది ఉద్యోగకల్పనకు సంబంధించిన బిల్లును తీసుకొచ్చిన విషయం తెలిసిందే. ఈ బిల్లుకు అసెంబ్లీలో ఆమోదం లభించడంతో గవర్నర్‌ ముందుకు వెళ్లింది. ఈ మేరకు గవర్నర్‌ మంగళవారం ఈ బిల్లుకు ఆమోద ముద్ర వేశారు. ఈ బిల్లు ప్రకారం.. సంబంధిత కంపెనీ ఏ జిల్లాలో ఉంటే ఆ జిల్లాకు చెందినవారితో 10% ఉద్యోగాలు, హరియాణాలోని ఇతర జిల్లాల వారితో మిగిలిన ఉద్యోగాలు భర్తీ చేయాల్సి ఉంటుంది. మొదటగా పదేళ్ల కాలానికి ఈ కోటాను వర్తింపజేస్తారు.

‘‘రాష్ట్రంలో స్థానికులను దృష్టిలో ఉంచుకొని తీసుకొచ్చిన రిజర్వేషన్‌ బిల్లుకు గవర్నర్‌ ఆమోద ముద్ర వేశారు. త్వరలో దీనిపై ప్రభుత్వం నుంచి అధికారిక ప్రకటన విడుదల చేస్తాం’ అని ముఖ్యమంత్రి మనోహర్‌లాల్‌ ఖట్టర్‌ మీడియా సమావేశంలో వెల్లడించారు. అయితే, 2019 ఎన్నికల్లో స్థానికులకు 75 శాతం రిజర్వేషన్‌ కల్పిస్తామని జేజేపీ ఎన్నికల మేనిఫెస్టోలో  హామీ ఇచ్చింది. ఆ మేరకు భాజపా- జేజేపీ కూటమి ప్రభుత్వం ఈ బిల్లును అసెంబ్లీలో ప్రవేశపెట్టి గవర్నర్‌ ముందుకు పంపడంతో ఆయన గ్రీన్‌సిగ్నల్‌ ఇచ్చారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని