close

తాజా వార్తలు

Published : 12/08/2020 15:10 IST
Facebook Share Twitter Share WhatsApp Share Telegram Share

కలత చెందడం సహజమే కదా..!:గహ్లోత్‌

ముఖ్యమంత్రి వర్గం ఎమ్మెల్యేల నిరాశ

జైపుర్‌: నెలరోజుల ప్రతిష్టంభన అనంతరం రాజస్థాన్‌ రాజకీయ సంక్షోభానికి తెరపడిన విషయం తెలిసిందే. ఈ నెలరోజుల నుంచి ముఖ్యమంత్రి వర్గం ఎమ్మెల్యేలు జైపుర్‌లోని హోటల్‌లోనే మకాం వేశారు. పార్టీ నాయకత్వంతో మంతనాల అనంతరం సచిన్‌ పైలట్‌ పార్టీలోనే కొనసాగుతున్నట్లు ప్రకటించారు. ఈ విషయం తెలిసి ముఖ్యమంత్రి వర్గం ఎమ్మెల్యేలు తీవ్ర అసంతృప్తి చెందినట్లు సమాచారం. పార్టీ అధిష్ఠానం నుంచి వచ్చిన సమాచారంతో ముఖ్యమంత్రి.. ఎమ్మెల్యేలను కలిసేందుకు హోటల్‌కు వెళ్లిన సందర్భంలో వారు తీవ్ర అసహనం వ్యక్తం చేశారు.

దీనిపై ముఖ్యమంత్రి అశోక్‌ గహ్లోత్‌ స్పందిస్తూ.. ‘నెలరోజుల సుదీర్ఘ సమయంపాటు ఎమ్మెల్యేలు హోటల్‌లోనే ఉన్నారు. ఈ సమయంలో ఎపిసోడ్‌కు ముగింపు పలికిన తీరుపై ఎమ్మెల్యేలు కలత చెందడం సహజమేకదా’ అని విలేకరులతో వ్యాఖ్యానించారు. తాజా పరిణామాలతో తీవ్ర నిరాశలోఉన్న ఎమ్మెల్యేలను ముఖ్యమంత్రి బుజ్జగించారు. ప్రజాస్వామ్యాన్ని కాపాడుకోవడంతోపాటు ప్రజలకు సేవ చేయడంలో భాగంగా ఒక్కోసారి సహనంతో మెలగాల్సి ఉంటుందని ఎమ్మెల్యేలతో అన్నారు. పార్టీలోకి తిరిగివస్తున్న ఎమ్మెల్యేలను క్షమిస్తూ, జరిగిన ఘటనను మరచిపోయి ముందుకు సాగాలని సూచించారు.

ఇదిలాఉంటే, పార్టీ నాయకత్వం హామీతో రెబల్‌ నేత సచిన్‌ పైలట్‌ జైపుర్‌ చేరుకున్నారు. తాను లేవనెత్తిన అంశాలను పార్టీ ఏర్పాటు చేసిన త్రిసభ్య కమిటీ పరిష్కరిస్తుందనే నమ్మకం ఉందన్నారు. అయితే పార్టీలో తనకు ఎలాంటి పదవులు కావాలనే విషయాలపై డిమాండ్‌ చేయలేదని సచిన్‌ స్పష్టం చేశారు. కేవలం తనకు మద్దతుగా నిలిచిన ఎమ్మెల్యేలపై ఎటువంటి ప్రతీకారచర్యలు తీసుకోవద్దని మాత్రమే కోరినట్లు సచిన్‌  వెల్లడించారు.

ఇవీ చదవండి..
ఆ వ్యాఖ్యలు నన్ను బాధించాయి: సచిన్‌ పైలట్‌
కాంగ్రెస్‌లోనే సచిన్‌ పైలట్‌


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
    ఎక్కువ మంది చదివినవి (Most Read)
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.