close

తాజా వార్తలు

Published : 28/07/2020 01:34 IST
Facebook Share Twitter Share WhatsApp Share Telegram Share

రైనా మళ్లీ భారత్‌కు ఆడే అవకాశం ఉందా?

ఆస్ట్రేలియా మాజీ స్పిన్నర్‌ బ్రాడ్‌హాగ్‌ ఏమన్నాడో చూడండి

ఇంటర్నెట్‌డెస్క్‌: టీమ్‌ఇండియా మిడిల్‌ ఆర్డర్‌ బ్యాట్స్‌మన్‌ సురేశ్‌ రైనా మళ్లీ జాతీయ జట్టుకు ఆడే అవకాశం ఉందా అని ఓ క్రికెట్‌ అభిమాని అడిగిన ప్రశ్నకు కచ్చితంగా లేదన్నాడు బ్రాడ్‌హాగ్‌. తాజాగా తన యూట్యూబ్‌ ఛానల్‌లో మాట్లాడిన ఆస్ట్రేలియా మాజీ క్రికెటర్‌ ఆటకు సంబంధించిన అనేక విషయాలపై స్పందించాడు. ఈ సందర్భంగా అభిమానులు అడిగిన ప్రశ్నలకు సమాధానం ఇచ్చాడు. ఈ నేపథ్యంలోనే ఒకరు రైనా గురించి ప్రశ్నించడంతో అతడిలా అన్నాడు.

టీమ్‌ఇండియాలో ప్రస్తుత పరిస్థితుల్లో సారథి విరాట్‌ కోహ్లీ యువకులపైనే ఆసక్తి చూపుతున్నాడని, రైనా ఆడే నాలుగో స్థానంలో శ్రేయస్‌ అయ్యర్‌ ఇప్పటికే మంచి ప్రదర్శన చేశాడని చెప్పాడు. అంతకన్నా కింద స్థాయిలో రైనా ఆడటం తాను చూడలేనని.. 3,4 స్థానాల్లో సరిగ్గా సరిపోయే బ్యాట్స్‌మన్‌ అని కీర్తించాడు. ఇకపై టీమ్‌ఇండియాలో అతడిని చూడలేమన్నాడు. కాగా, రైనాకున్న ఒకే ఒక్క అవకాశం టీ20ల్లో శిఖర్‌ ధావన్‌ను వదిలేసి రాహుల్‌, రోహిత్‌తో ఓపెనింగ్‌ చేయనిస్తే అప్పుడు మాత్రం చిన్న అవకాశం ఉందన్నాడు. అయితే, తాను మాత్రం అతడిని మళ్లీ టీమ్‌ఇండియాలో చూస్తాననుకోవట్లేదని స్పష్టంచేశాడు. 

ఇదే వీడియోలో అంతకుముందే ఒక అభిమాని ధోనీ గురించి అడిగాడు. బ్యాటింగ్‌, కీపింగ్‌ విషయాల్లో ఎవరైనా మాజీ సారథిని రీప్లేస్‌ చేయగలరా అని ప్రశ్నించగా బ్రాడ్‌ ఇలా స్పందించాడు. ధోనీ అద్భుతమైన ఆటగాడని, భయం లేకుండా ఆడతాడని చెప్పాడు. ఒత్తిడినంతా తనపైనే వేసుకొని ఆడతాడని తెలిపాడు. చాలా సార్లు తామే విజయం సాధిస్తామనే నమ్మకంతో ఆడతాడని వివరించాడు. కాగా, ధోనీ ఏడాదిగా ఆటకు దూరమైన సంగతి తెలిసిందే. గతేడాది వన్డే ప్రపంచకప్‌లో న్యూజిలాండ్‌తో సెమీస్‌ ఆడిన అతడు తర్వాత విశ్రాంతి తీసుకున్నాడు. ఇక మార్చిలో చెన్నైలో నిర్వహించిన శిక్షణా శిబిరంలో పాల్గొని ఈసారి ఐపీఎల్‌కు సన్నద్ధమయ్యాడు. లాక్‌డౌన్‌తో మెగా టోర్నీ వాయిదా పడడంతో రాంచీలోని ఫామ్‌హౌజ్‌కు పరిమితమయ్యాడు. తాజాగా ఐపీఎల్‌పై స్పష్టత వచ్చిన నేపథ్యంలో ఆగస్టులో అందరి కన్నా ముందే చెన్నైసూపర్‌ కింగ్స్‌ యూఏఈకి వెళ్లనున్నట్లు సమాచారం. 


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.