పరవాడ ఘటనపై ఏపీ సీఎం ఆరా
close

తాజా వార్తలు

Published : 30/06/2020 08:52 IST
Facebook Share Twitter Share WhatsApp Share Telegram Share Link Share

పరవాడ ఘటనపై ఏపీ సీఎం ఆరా

అమరావతి: పరవాడలోని సాయినార్‌ లైఫ్‌ సైన్సె్స్‌ ఫార్మా కంపెనీలో జరిగిన ప్రమాదంపై ఏపీ సీఎం జగన్‌ మోహన్‌రెడ్డి ఆరా తీశారు. సీఎంఓ అధికారులను అడిగి వివరాలు తెలుసుకున్నారు.

ఈ ఘటనలో ఆసుపత్రికి తరలిస్తుండగా మార్గ మధ్యంలో ఇద్దరు మృతి చెందారని, మరో నలుగురు ఆసుపత్రిలో చికిత్స పొందుతున్నారని అధికారులు సీఎంకు వివరించారు. ఒకరు వెంటిలేటర్‌పై చికిత్స పొందుతున్నారని, మరో ముగ్గురు సురక్షితంగా ఉన్నారని వెల్లడించారు. రియాక్టర్‌ వద్ద లీకేజీ కారణంగా ఈ ప్రమాదం జరిగిందని తెలిపారు. రాత్రి 11.30గంటలకు ప్రమాదం జరిగిందని, వెంటనే జిల్లా కలెక్టర్‌, సీపీ ఘటనాస్థలికి చేరుకుని పరిశీలించారని, ముందు జాగ్రత్తగా పరిశ్రమను షట్‌డౌన్‌ చేయించారని పేర్కొన్నారు. ప్రమాదం పరిశ్రమలో ఓ రియాక్టర్‌ ఉన్న విభాగానికి మాత్రమే పరిమితమని, ఎలాంటి ఆందోళన అవసరం లేదని అధికారులు నివేదించారు. ఘటనపై విచారణ జరిపిస్తున్నట్టు కలెక్టర్‌ వెల్లడించారని తెలిపారు. ఆసుపత్రిలో చికిత్స పొందుతున్న వారికి మెరుగైన వైద్యం అందించాలని ఈ సందర్భంగా సీఎం.. అధికారులను ఆదేశించారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని