రూ.70లక్షల కోట్ల ఉద్దీపన ప్యాకేజీ: జపాన్‌
close

తాజా వార్తలు

Published : 27/05/2020 18:07 IST
Facebook Share Twitter Share WhatsApp Share Telegram Share Link Share

రూ.70లక్షల కోట్ల ఉద్దీపన ప్యాకేజీ: జపాన్‌

టోక్యో: కరోనా వైరస్‌ మహమ్మారిని ఎదుర్కొనే చర్యల్లో భాగంగా విధించిన అత్యయిక స్థితిని జపాన్‌ ఎత్తివేసింది. ఈ సమయంలో దేశంలో ఆర్థిక వ్యవస్థను తిరిగి గాడిలో పెట్టేందుకు తాజాగా మరో భారీ ప్యాకేజీ ప్రకటించింది. దాదాపు రూ.70లక్షల కోట్ల (1.1 ట్రిలియన్‌ డాలర్లు) ఉద్దీపన ప్యాకేజీకి జపాన్‌ ప్రభుత్వం ఆమోదం తెలిపింది. వీటిలో కొంత మొత్తాన్ని నేరుగా ఖర్చుచేస్తామని జపాన్ ఆర్థిక శాఖ వెల్లడించింది. రానున్న రోజుల్లో మరోసారి మహమ్మారి విజృంభిస్తే ఎదుర్కొనేందుకు ముందస్తుగా అవసరమైన చర్యలు తీసుకోవాలని జపాన్‌ ప్రధానమంత్రి షింజో అబే అక్కడి అధికారులకు సూచించారు. 

అయితే దేశంలో అత్యవసర స్థితి కొనసాగుతున్న సమయంలోనే గతనెలలో మొదటి దఫా దాదాపు లక్ష ట్రిలియన్‌ డాలర్లను జపాన్‌ ప్రకటించిన విషయం తెలిసిందే. ఈ రెండు కలిపి(2.18 ట్రిలియన్‌ డాలర్లు) రూ.150లక్షల కోట్లు కేటాయించినట్లు అయ్యింది. ఇది జపాన్‌ దేశ జీడీపీలో దాదాపు 40శాతమని అంచనా. కరోనా వైరస్‌ను ఎదుర్కోవడంలో ప్రపంచంలో అత్యధికంగా ఖర్చు పెట్టిన దేశాల్లో అమెరికా సరసన జపాన్‌ చేరింది. అమెరికా దాదాపు 2.3 ట్రిలియన్‌ డాలర్లను కేటాయించింది.

ప్రపంచంలోనే మూడవ అతిపెద్ద ఆర్థిక వ్యవస్థ కలిగిన జపాన్‌ కరోనా వైరస్‌ వ్యాప్తిని సమర్థవంతంగా కట్టడి చేయగలిగింది. కేవలం ఇప్పటి వరకు దేశంలో 17వేల పాజిటివ్‌ కేసులు నమోదుకాగా 825 మరణాలు సంభవించాయి.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని