close

తాజా వార్తలు

Updated : 03/03/2021 15:17 IST
Facebook Share Twitter Share WhatsApp Share Telegram Share

రాసలీలల సీడీ వివాదం: మంత్రి రాజీనామా 

బెంగళూరు: ఉద్యోగం ఇప్పిస్తానని మహిళపై లైంగిక వేధింపులకు పాల్పడినట్లు ఆరోపణలు ఎదుర్కొంటున్న కర్ణాటక జల వనరుల శాఖ మంత్రి రమేశ్‌ జర్కిహోలీ తన పదవికి రాజీనామా చేశారు. ఈ మేరకు నేడు రాష్ట్ర ముఖ్యమంత్రి యడియూరప్పకు రాజీనామా లేఖను పంపారు. ‘‘నాపై వచ్చిన ఆరోపణలన్నీ అవాస్తవం. వాటిపై తక్షణమే దర్యాప్తు జరపాలి. నేను ఏ తప్పూ చేయలేదు. అయితే, నైతిక బాధ్యత వహిస్తూ రాజీనామా చేస్తున్నా’’ అని రమేశ్‌ లేఖలో పేర్కొన్నారు.  

సదరు మంత్రి ఓ మహిళతో సన్నిహితంగా మెలిగిన దృశ్యాలు తాజాగా వెలుగులోకి వచ్చిన విషయం తెలిసిందే. ఉద్యోగం ఇప్పిస్తానని చెప్పి ఆ మంత్రి తనను లైంగిక అవసరాలకు వాడుకున్నారని సదరు మహిళ ఆరోపించారు. ఈ వీడియో కాస్తా వివాదాస్పదం కావడంతో రమేశ్‌ రాజీనామా చేయాలన్న డిమాండ్లు వెల్లువెత్తాయి. అయితే, దీనిపై నిన్న మంత్రి మీడియాతో మాట్లాడుతూ.. తన చిత్రాలను ఉపయోగించి ఎవరో సీడీని రూపొందించారని ఆరోపించారు. సమగ్ర దర్యాప్తు చేస్తే అన్ని విషయాలు వెలుగులోని వస్తాయన్నారు. దర్యాప్తును ఎదుర్కొంటానని, వెనుకంజ వేయబోనని ప్రకటించారు.


ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని