కర్ణాటక ఆరోగ్య మంత్రి శ్రీరాములుకి కరోనా

తాజా వార్తలు

Published : 10/08/2020 02:11 IST

కర్ణాటక ఆరోగ్య మంత్రి శ్రీరాములుకి కరోనా

బెంగళూరు: రోజు రోజుకి కరోనా బారిన పడుతున్న నేతల సంఖ్య పెరుగుతోంది. తాజాగా కర్ణాటక రాష్ట్ర వైద్య ఆరోగ్య శాఖ మంత్రి బి.శ్రీరాములు కూడా కరోనా బారిన పడ్డారు. ఈ మేరకు తనకు కరోనా సోకినట్లు ఆయన ట్విటర్‌ ఖాతా ద్వారా వెల్లడించారు. తనలో స్వల్పంగా వైరస్‌ లక్షణాలు ఉండటంతో పరీక్షలు చేయించుకోగా పాజిటివ్ అని నిర్ధారణ అయినట్లు తెలిపారు. రాష్ట్రంలో కరోనా ఉద్ధృతి ప్రారంభమైన నాటి నుంచి  జిల్లాల్లో పర్యటిస్తూ కరోనా రోగులకు అందుతున్న చికిత్సలు, సౌకర్యాలను స్వయంగా పర్యవేక్షిస్తున్నానని, ఈ క్రమంలో తనకు కరోనా సోకడంతో ఆస్పత్రిలో చేరినట్లు ట్వీట్‌లో పేర్కొన్నారు. తనను కలిసిన వారంతా పరీక్షలు చేయించుకోవాలని, తగిన జాగ్రత్తలు తీసుకొని, హోం క్వారంటైన్‌లో ఉండాలని కోరారు. అయితే కొద్ది రోజుల క్రితం కరోనా నుంచి దేవుడు తప్ప ఎవరూ కాపాడలేరంటూ ఆయన చేసిన వ్యాఖ్యలు వివాదాస్పదమయిన సంగతి తెలిసిందే.

ఇప్పటికే కర్ణాటక ముఖ్యమంత్రి యడియూరప్ప, మాజీ ముఖ్యమంత్రి సిద్ధరామయ్యలు కరోనా బారిన పడ్డారు. ప్రస్తుతం వారిద్దరు ఆస్పత్రిలో చేరి చికిత్స పొందుతున్నారు. ఇద్దరు ఆరోగ్యంగానే ఉన్నారని, వైద్యానికి స్పందిస్తున్నారని ఆస్పత్రి వర్గాలు ఒక ప్రకటనలో తెలిపాయి. మరోవైపు రాష్ట్రంలో కరోనా కేసుల సంఖ్య పెరుగుతూనే ఉంది. శనివారం ఒక్క రోజే రాష్ట్రంలో 7,000 కొత్త కేసులు నమోదయ్యాయి. ఇప్పటి వరకు 1,72,102 మంది కరోనా బారిన పడ్డారు. వీరితో 89,238 మంది డిశ్చార్జ్‌ కాగా, 3,091 మంది మృత్యువాతపడినట్లు రాష్ట్ర వైద్య ఆరోగ్య శాఖ వర్గాలు తెలిపాయి.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని