ఆర్‌ఎన్‌ఏ లక్ష్యంగా కరోనా వైరస్‌ నాశనం  

తాజా వార్తలు

Published : 03/10/2020 16:04 IST

ఆర్‌ఎన్‌ఏ లక్ష్యంగా కరోనా వైరస్‌ నాశనం  

కొత్త ఔషధాన్ని కనుగొన్న శాస్త్రవేత్తలు 

వాషింగ్టన్‌: కొవిడ్‌-19 కారక కరోనా వైరస్‌లోని ఆర్‌ఎన్‌ఏలోని ఒక భాగాన్ని లక్ష్యంగా చేసుకొని ఆ సూక్ష్మజీవిని నాశనం చేసే కొత్త ఔషధాన్ని శాస్త్రవేత్తలు కనుగొన్నారు. తద్వారా ఆ మహమ్మారి వ్యాప్తికి అడ్డుకట్ట వేయవచ్చని చెప్పారు. కరోనా వైరస్‌లోని ఆర్‌ఎన్‌ఏ జన్యుక్రమం ఒక ప్రత్యేక ఆకృతిలో ముడుచుకొని ఉంటుంది. ఆర్‌ఎన్‌ఏలో ఫ్రేమ్‌ షిఫ్టింగ్‌ ఎలిమెంట్‌ (ఎఫ్‌ఎస్‌ఈ) అనే భాగం ఉంది. అది జడపిన్ను ఆకృతిలో ఉంటుంది. వైరస్‌లోని జన్యువులు.. ప్రొటీన్లుగా మార్పిడి చెందడంలో ఇది సాయపడుతుంది. ఈ ప్రక్రియను అడ్డుకుంటే వైరస్‌ను నిర్వీర్యం చేయవచ్చని శాస్త్రవేత్తలు భావించారు. ఇందుకోసం..  ఎఫ్‌ఎస్‌ఈని అంటుకునే ఔషధం కోసం పరిశోధన చేశారు. వైరస్‌ జన్యుక్రమాన్ని నాశనం చేసే ఎంజైమ్‌ను సదరు ఔషధానికి జోడించవచ్చా అన్నది కూడా పరిశీలించారు. జన్యువులను ప్రొటీన్లుగా మార్చే ప్రక్రియను నెమ్మదింపచేసే సామర్థ్యం.. కాంపౌండ్‌-5 (సి5) అనే పదార్థానికి  ఉందని గుర్తించారు. ఫలితంగా తనకు అవసరమైన ప్రొటీన్లను ఈ వైరస్‌ ఉత్పత్తి చేసుకోలేదని తేల్చారు. సి5 సామర్థ్యాన్ని మరింత పెంచేందుకు ‘రైబోటాక్‌’ అనే పదార్థాన్ని జోడించారు. ఇది వైరస్‌లోని ఆర్‌ఎన్‌ఏను క్షీణింపచేయడానికి మానవ ఎంజైమ్‌ను ఉపయోగించుకుంటుంది. ఇది సి5 సామర్థ్యాన్ని పది రెట్లు పెంచుతున్నట్లు వెల్లడైంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని