SCO: అఫ్గానిస్థాన్‌పై బయటి నుంచి నియంత్రణ ఉండబోదు

తాజా వార్తలు

Published : 17/09/2021 20:24 IST

SCO: అఫ్గానిస్థాన్‌పై బయటి నుంచి నియంత్రణ ఉండబోదు

ఎస్‌సీఓ సమావేశంలో పాక్‌ ప్రధాని ఇమ్రాన్‌ఖాన్‌

ఇస్లామాబాద్‌: అఫ్గానిస్థాన్‌ విషయంలో పాకిస్థాన్‌ ప్రధాని ఇమ్రాన్‌ ఖాన్‌ తాజాగా మరోసారి కీలక వ్యాఖ్యలు చేశారు. ఆ దేశంపై బయటి నుంచి నియంత్రణ ఉండబోదని పేర్కొన్నారు. తజికిస్థాన్ రాజధాని దుషాంబేలో నిర్వహిస్తున్న షాంఘై కో-ఆపరేషన్ ఆర్గనైజేషన్(ఎస్‌సీఓ) కౌన్సిల్ ఆఫ్ స్టేట్స్ శిఖరాగ్ర సమావేశంలో శుక్రవారం ఆయన ప్రసంగించారు. తాలిబన్లు.. ప్రజలకు, ప్రపంచ దేశాలకు ఇచ్చిన హామీలను నెరవేర్చాలని సూచించారు. అలాగే అఫ్గాన్‌కు నిరంతర మద్దతు కొనసాగిస్తూనే ఉంటామని చెప్పారు. ‘శాంతియుత, సుస్థిర అఫ్గానిస్థాన్‌ విషయంలో మాకు ఆసక్తి ఉంది. ప్రస్తుతం తాలిబన్ల పాలనలో ఉన్న ఈ దేశంలో తక్షణ మానవతా సహాయం కోసం అంతర్జాతీయ మద్దతును సమీకరించాల్సిన అవసరం ఉంద’ని ఇమ్రాన్‌ తెలిపారు. ఇదే సమావేశాన్ని ఉద్దేశించి నరేంద్ర మోదీ సైతం శుక్రవారం వర్చువల్‌గా మాట్లాడిన విషయం తెలిసిందే. తీవ్రవాదంపై ఆయన ఆందోళన వ్యక్తం చేస్తూ, దీన్ని కట్టడి చేయాలని పిలుపునిచ్చారు. సరిహద్దు సమస్యల పరిష్కారానికి కలిసికట్టుగా పనిచేసేలా చొరవ చూపాలని చైనా, పాకిస్థాన్‌తో సహా మిగిలిన సభ్య దేశాలను కోరారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని