Tauktae: 61కి పెరిగిన మృతుల సంఖ్య

తాజా వార్తలు

Published : 22/05/2021 23:34 IST

Tauktae: 61కి పెరిగిన మృతుల సంఖ్య

ముంబయి: తౌక్టే తుపాను ధాటికి ఈ నెల 17న అరేబియా సముద్రంలో నౌక మునిగి పోయిన దుర్ఘటనలో మృతుల సంఖ్య 61కి పెరిగింది. సహాయక చర్యలు కొనసాగిస్తున్న నావికా, తీర రక్షణ దళాలు మరో 11 మృతదేహాలను కనుగొన్నాయి. ఇంకో 14 మంది జాడ తెలియాల్సి ఉంది. దొరికిన మృతదేహాల్లో 30 గుర్తుపట్టలేనంతగా మారిపోవడంతో డీఎన్ఏ పరీక్షలు నిర్వహించి కుటుంబ సభ్యులకు అందజేసినట్లు పోలీసులు తెలిపారు.

261 మందితో ప్రయాణిస్తున్న బార్జ్ పి-305 నౌక ఐదు రోజుల క్రితం నీట మునగగా.. ఇప్పటివరకూ 186 మందిని అధికారులు రక్షించారు. ఈ ప్రమాదంపై ముంబయి పోలీసులు మరింత సమాచారం సేకరిస్తున్నారు. తుపాను సమీపిస్తున్న సమయంలో నౌక కెప్టెన్‌ రాకేశ్‌ పల్లవ్‌ తన యజమానిని సంప్రదించారని.. అయితే తుపాను ఎక్కువసేపు ఉండబోదనే సమాచారంతో దాన్ని తీరానికి తీసుకురాలేదని నౌక చీఫ్ ఇంజినీర్‌ రెహమాన్‌ హుస్సేన్‌ పోలీసులకు వివరించారు. సాధారణంగా విపత్కర సమయాల్లో అందుబాటులో ఉండే టక్‌ బోట్‌ ఐదు నాటికల్‌ మైళ్ల దూరం ఉంటుందని.. ప్రమాదం జరిగినప్పుడు అది 16 నాటికల్‌ మైళ్ల దూరంలో ఉండిపోవడం వల్ల సాయం అందలేదని పేర్కొన్నారు. ప్రత్యామ్నాయ మార్గాల్లోనూ సాయం కోసం కెప్టెన్‌ విజ్ఞప్తి చేయలేదని తెలిపారు. తుపాను హెచ్చరికలను పట్టించుకోకుండా కెప్టెన్‌ నిర్లక్ష్యం వహించారని రెహమాన్‌ పేర్కొన్నారు. దీంతో కెప్టెన్‌ రాకేశ్‌ పల్లవ్‌పై కేసు నమోదు చేసినట్లు పోలీసులు తెలిపారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని