European Union:12-15 ఏళ్ల పిల్లలకు ఫైజర్‌ టీకా!

తాజా వార్తలు

Published : 29/05/2021 12:14 IST

European Union:12-15 ఏళ్ల పిల్లలకు ఫైజర్‌ టీకా!

లండన్‌: 12 నుంచి 15 ఏళ్ల వయసు పిల్లలకు ఫైజర్‌-బయోఎన్‌టెక్‌ సంయుక్తంగా రూపొందించిన కరోనా వ్యాక్సిన్‌ అత్యవసర వినియోగానికి ఐరోపా సమాఖ్య(ఈయూ) పచ్చజెండా ఊపింది. యురోపియన్‌ మెడిసిన్స్‌ ఏజెన్సీ(ఈఎంఏ) సలహా కమిటీ సిఫార్సుల మేరకు టీకా వినియోగానికి ఈయూ ఆమోదం తెలిపింది.

ఈయూ సభ్యదేశాల్లో ఇప్పటికే 16 ఏళ్ల పైబడిన వారందరికీ టీకా ఇచ్చేందుకు అనుమతి ఉంది. తాజాగా 12-15 ఏళ్ల మధ్య వయసు వారికి కూడా టీకా అందించనున్నారు. అయితే, ఈ వర్గానికి టీకా ఇవ్వాలా? వద్దా? అనేది ఈయూ ఆయా దేశాల నిర్ణయానికే వదిలేసింది. మరోవైపు ఈయూ తాజా నిర్ణయాన్ని ఫైజర్‌ స్వాగతించింది.

12-15 ఏళ్లలోపు రెండు వేల మంది వలంటీర్లపై నిర్వహించిన ప్రయోగ పరీక్షల్లో ఫైజర్‌ టీకా సురక్షితమైంది, ప్రభావవంతమైందని తేలిన విషయం తెలిసిందే. తొలిసారి పిల్లలకు కరోనా టీకా ఇవ్వడం కెనడాలో ప్రారంభం కాగా కొన్ని రోజుల్లోనే అమెరికా సైతం అదే బాటలో పయనించింది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని