Afghanistan: అఫ్గాన్‌ ఫుట్‌బాల్‌ మహిళా క్రీడాకారుల్ని ఆదుకున్న ఫిఫా

తాజా వార్తలు

Published : 17/10/2021 01:46 IST

Afghanistan: అఫ్గాన్‌ ఫుట్‌బాల్‌ మహిళా క్రీడాకారుల్ని ఆదుకున్న ఫిఫా

కాబూల్‌: అఫ్గానిస్థాన్‌లో తాలిబన్ల అరాచకాలు కొనసాగుతూనే ఉన్నాయి. ముఖ్యంగా మహిళలపై కఠిన ఆంక్షలు విధిస్తూ వారి ఉజ్వల భవిష్యత్తును కాలరాస్తున్నారు. దీంతో అఫ్గానిస్థాన్‌ ఫుట్‌బాల్‌ మహిళా క్రీడాకారుల జీవితాలు అగమ్యగోచరంగా మారాయి. వారి ప్రాణాలకు ముప్పు ఉందని గుర్తించిన అంతర్జాతీయ సాకర్‌ గవర్నింగ్‌ బాడీ ‘ఫిఫా’ వారిని ఆదుకునేందుకు ముందుకొచ్చింది. తొలుత అఫ్గాన్‌ జాతీయ ఫుట్‌బాల్‌ మహిళా క్రీడాకారులు, కోచ్‌లు, వారి కుటుంబసభ్యులు మొత్తం వందమందిని కాబూల్‌ నుంచి ఖతర్‌లోని దోహాలో సురక్షిత ప్రాంతానికి తరలించింది. 

ఈ ఎయిర్‌లిఫ్ట్‌ ఆపరేషన్‌ చేపట్టడానికి ఫిఫా.. ఖతర్‌ ప్రభుత్వం సహాయం తీసుకుంది. గత ఆగస్టులో తాలిబన్లు అఫ్గాన్‌ను స్వాధీనం చేసుకున్న నాటి నుంచే వారిని ఆ దేశం నుంచి బయటపడేయడానికి ప్రయత్నాలు మొదలుపెట్టింది. ఈ క్రమంలో తాలిబన్లతో ఫిఫా ప్రతినిధులు చర్చలు జరిపారు. ఎట్టకేలకు ఇటీవల మహిళా క్రీడాకారులు, కోచ్‌లు, వారి కుటుంబసభ్యులకు పాస్‌పోర్టు, ఇతర ధ్రువపత్రాల పరిశీలన పూర్తి కావడంతో వారిని క్షేమంగా దోహాకి తరలించారు. అఫ్గాన్‌లో ఉండిపోయిన మరికొంత మంది ఫుట్‌బాల్‌ క్రీడాకారుల్ని, వారి కుటుంబసభ్యుల్ని కూడా ఆ దేశం నుంచి తరలించే ప్రయత్నం చేయనన్నట్లు తెలుస్తోంది. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని