లాజిస్టిక్స్‌ రంగంలో ఫ్లిప్‌కార్ట్‌ శిక్షణ

తాజా వార్తలు

Published : 09/01/2021 00:05 IST

లాజిస్టిక్స్‌ రంగంలో ఫ్లిప్‌కార్ట్‌ శిక్షణ

కేంద్ర ప్రభుత్వంతో కలిసి ముందడుగు

దిల్లీ: లాజిస్టిక్స్‌ రంగంలో ఆసక్తి ఉన్న యువతకు శిక్షణనిచ్చేందుకు ఫ్లిప్‌కార్ట్ సిద్ధమైంది. ఈ మేరకు కేంద్ర నైపుణ్యాభివృద్ధి మంత్రిత్వశాఖ ఆధ్వర్యంలోని లాజిస్టిక్స్ నైపుణ్య రంగ మండలి (ఎల్‌ఎస్‌సీ)తో కలిసి ఒప్పందం చేసుకుంది.  ఇందులో భాగంగా ఫ్లిప్‌కార్ట్‌ సెంటర్‌ ఆఫ్‌ ఎక్సలెన్స్‌ (సీవోఈ)ను ఏర్పాటు చేయనుంది. ఇందులో ఈ-కామర్స్‌ రంగానికి సంబంధించిన శిక్షణను అందిచనున్నారు. రానున్న రోజుల్లో ఈ కామర్స్‌ రంగం మరింత వృద్ధి చెందనున్న నేపథ్యంలో ఆసక్తి ఉన్న అభ్యర్థులకు నైపుణ్య శిక్షణను అందిస్తామని ఫ్లిప్‌కార్ట్‌ తెలిపింది. ఎల్ఎస్‌ఈ ఛైర్మన్‌ రామానుజమ్‌ మాట్లాడుతూ.. ‘‘ఈ కామర్స్‌ రంగంలో ఉన్న అవకాశాలు, డిమాండ్‌ ఆధారంగా తగినంత మానవశక్తిని అందించేందుకు మేం ప్రయత్నిస్తున్నాం. ఫ్లిప్‌కార్ట్‌తో మా ఈ భాగస్వామ్యం ఎన్నో మార్పులను తెస్తుందని మేం ఆశిస్తున్నాం’’ అని అన్నారు. ఇందులో భాగంగా శిక్షణ పూర్తిచేసిన అభ్యర్థులకు నేషనల్‌ స్కిల్‌ క్వాలిఫికేషన్‌ ఫ్రేమ్‌వర్క్‌ కింద ఒక ధ్రువపత్రాన్ని అందిస్తారు. ఇది అండర్‌ గ్రాడ్యుయేషన్‌ డిగ్రీకి సమాన అర్హత కలిగి ఉంటుంది. ఈ సర్టిఫికెట్‌కు ఆస్ట్రేలియా, డెన్మార్క్‌, జర్మనీ, సౌదీ అరేబియాల్లో గుర్తింపు ఉంటుందని ఆయన తెలిపారు.

ఇవీ చదవండి..

ఆ ఆరు రాష్ట్రాల్లోనే బర్డ్‌ఫ్లూ

అమెరికా చరిత్రలోనే చీకటి రోజులు


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని