సూడాన్‌లో కూలిన విమానం..18 మంది మృతి

తాజా వార్తలు

Published : 03/01/2020 10:26 IST

సూడాన్‌లో కూలిన విమానం..18 మంది మృతి

ఖార్తూమ్‌: సూడాన్‌లో ఘోర విమాన ప్రమాదం చోటుచేసుకుంది. పశ్చిమ దర్‌ఫూర్‌ రాష్ట్ర రాజధాని ఎల్ జెనైనాలో టేకాఫ్‌ అయిన ఐదు నిమిషాల్లోనే ఓ విమానం కుప్పకూలింది. ఈ ఘటనలో 18 మంది మృతి చెందారు. మృతుల్లో ఏడుగురు సిబ్బంది, ముగ్గురు న్యాయమూర్తులు, నలుగురు చిన్నారులు సహా ఎనిమిది మంది పౌరులు ఉన్నారు.

సైనిక అధికారులు తెలిపిన వివరాల ప్రకారం..జెనైనా ప్రాంతంలో గత కొన్ని రోజులుగా కొన్ని వర్గాల మధ్య తీవ్ర ఘర్షణలు చెలరేగుతున్నాయి. ఈ క్రమంలో అనేక మంది ప్రాణాలు కోల్పోతున్నారు. ఈ వారం కనీసం 48 మంది మృత్యువాతపడ్డట్లు సమాచారం. మరో 241 మంది తీవ్రంగా గాయపడ్డారు. ఈ నేపథ్యంలో వైద్య సేవలు అందించే నిమిత్తం బయలుదేరిన ఆంటొనొవ్‌ 12 రకానికి చెందిన విమానం ప్రమాదవశాత్తూ కుప్పకూలింది. ప్రమాదానికి గల కారణాలు ఇంకా తెలియాల్సి ఉంది. దీనిపై ఉన్నతాధికారులు విచారణకు ఆదేశించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని