Jammu and Kashmir: చొరబాటుకు సిద్ధంగా 140 మంది ఉగ్రవాదులు

తాజా వార్తలు

Updated : 06/08/2021 13:57 IST

Jammu and Kashmir: చొరబాటుకు సిద్ధంగా 140 మంది ఉగ్రవాదులు

కాల్పుల విరమణ ఉన్నా తీరు మారని పాక్‌

శ్రీనగర్‌: భారత్‌-పాక్‌ల మధ్య ఓవైపు కాల్పుల విరమణ అమలవుతున్నప్పటికీ.. నియంత్రణ రేఖ పొడవునా సుమారు 140 మంది ఉగ్రవాదులు జమ్మూ-కశ్మీర్‌లోకి చొరబడేందుకు సిద్ధంగా ఉన్నట్టు సీనియర్‌ భద్రతాధికారి ఒకరు గురువారం తెలిపారు. అయితే సరిహద్దులో బలమైన రక్షణ వలయం ఉండటంతో ముష్కరుల ప్రయత్నాలు సాగడం లేదన్నారు. పలుమార్లు చొరబాటు ప్రయత్నాలు చేయగా.. మన సైనికుల అప్రమత్తత చూసి వెనక్కు మళ్లారని చెప్పారు. ఇప్పటికే అంతర్జాతీయ ఆర్థిక కార్యదళం (ఎఫ్‌ఏటీఎఫ్‌) ‘గ్రే’ జాబితాలో ఉన్న పాక్‌.. తదుపరి ఆంక్షల నుంచి బయటపడేందుకు కాల్పుల విరమణకు కట్టుబడి ఉండి తీరాలి. అదే సమయంలో ఉగ్రవాదుల శిక్షణ శిబిరాలను ధ్వంసం చేయాల్సి ఉంటుంది. అయితే పాక్‌ తీరు ఏమాత్రం మారలేదని, గత ఏడాది భారత్‌ సైన్యం కాల్పుల్లో దెబ్బతిన్న నిర్మాణాలను పునఃనిర్మించే పనిలో నిమగ్నమై ఉందని, ఇందుకు కాల్పుల విరమణను అవకాశంగా వాడుకుంటోందని ఆ అధికారి వివరించారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని