Vehicle Insurance: 1 నుంచి ‘బంపర్‌ టు బంపర్‌’ బీమా తప్పనిసరి

తాజా వార్తలు

Updated : 27/08/2021 10:00 IST

Vehicle Insurance: 1 నుంచి ‘బంపర్‌ టు బంపర్‌’ బీమా తప్పనిసరి

మద్రాసు హైకోర్టు ఆదేశాలు

చెన్నై, న్యూస్‌టుడే: వచ్చే నెల 1వ తేదీ నుంచి విక్రయించే అన్ని కొత్త వాహనాలకు బంపర్‌ టు బంపర్‌ ప్రాతిపదికన వాహన యజమాని, డ్రైవరు, ప్రయాణికులందరినీ కలిపేలా ఐదేళ్ల బీమాను తప్పనిసరి చేయాలని మద్రాస్‌ హైకోర్టు ఆదేశించింది. హొగినేకల్‌లో 2016లో జరిగిన రోడ్డు ప్రమాదంలో సడయప్పన్‌ మృతి చెందారు. నష్టపరిహారం కోరుతూ కుటుంబ సభ్యులు ఈరోడ్‌ మోటారు వాహన ప్రమాద పరిహార ట్రైబ్యునల్‌లో కేసు వేశారు. ట్రైబ్యునల్‌ సడయప్పన్‌ కుటుంబానికి రూ.14,65,000 పరిహారం చెల్లించాలని ఆదేశించింది. దీన్ని వ్యతిరేకిస్తూ న్యూ ఇండియా అస్యూరెన్స్‌ కంపెనీ మద్రాస్‌ హైకోర్టును ఆశ్రయించింది. ఈ కేసు న్యాయమూర్తి జస్టిస్‌ వైద్యనాథన్‌ సమక్షంలో గురువారం విచారణకు వచ్చింది. వాహన డ్రైవరు, యజమాని అనే ప్రాతిపదికన మాత్రమే వాహనానికి బీమా చేశారని.. డ్రైవరు కాని వ్యక్తి మృతి చెందితే రూ.లక్ష మాత్రమే చెల్లిస్తామని బీమా సంస్థ తెలిపింది. సడయప్పన్‌ ప్రమాద సమయంలో వాహనం నడపలేదని పేర్కొంది. అంగీకరించిన న్యాయమూర్తి ఈరోడ్‌ ట్రైబ్యునల్‌ ఆదేశాలను రద్దు చేశారు. కోర్టు ఆదేశాలను బీమా సంస్థలకు రాష్ట్ర ప్రభుత్వ రవాణాశాఖ అదనపు కార్యదర్శి తగిన ఉత్తర్వులు జారీ చేయాలని ఆదేశించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని