Vaccine: తల్లిపాలలో కొవిడ్‌ టీకా జాడలేదు

తాజా వార్తలు

Updated : 18/07/2021 09:30 IST

Vaccine: తల్లిపాలలో కొవిడ్‌ టీకా జాడలేదు

శాస్త్రవేత్తల వెల్లడి

వాషింగ్టన్‌: కొవిడ్‌-19 నివారణకు రూపొందించిన మెసెంజర్‌ ఆర్‌ఎన్‌ఏ (ఎంఆర్‌ఎన్‌ఏ) టీకా జాడలు తల్లి పాలలోకి చేరడంలేదని అమెరికా శాస్త్రవేత్తల పరిశోధనలో వెల్లడైంది. దీంతో ఈ టీకాలు శిశువులోకి ప్రవేశించబోవనడానికి ఆధారాలు లభించినట్లయింది. శాన్‌ ఫ్రాన్సిస్కోలోని కాలిఫోర్నియా విశ్వవిద్యాలయ శాస్త్రవేత్తలు ఈ పరిశోధన చేశారు. ఇందులో భాగంగా ఎంఆర్‌ఎన్‌ఏ టీకా పొందిన ఏడుగురు మహిళల స్తన్యాన్ని విశ్లేషించారు. వ్యాక్సిన్ల వల్ల తల్లిపాలు మారిపోతాయన్న ఆందోళనలు ఉన్నాయి. ఈ భయంతో.. బిడ్డలకు పాలిచ్చే తల్లులు అనేకమంది టీకాలకు దూరంగా ఉండిపోతున్నారు. వీరు వ్యాక్సిన్లు పొందాలని ప్రపంచ ఆరోగ్య సంస్థ ఇప్పటికే సిఫార్సు చేసింది. ఎంఆర్‌ఎన్‌ఏ రేణువులు తల్లి రొమ్ము కణజాలంలోకి గానీ పాలలోకి గానీ ప్రవేశించి, అనంతరం వాటి ద్వారా చిన్నారి రోగనిరోధక శక్తిని ప్రభావితం చేయడానికి అవకాశం లేదని పేర్కొంది. ఆ వాదనను తాజా పరిశోధన సమర్థించింది. తల్లిపాలలో గుర్తించదగ్గ స్థాయిలో ఎంఆర్‌ఎన్‌ఏ రేణువులు కనిపించలేదని వివరించింది. పరిశోధనలో పాల్గొన్న తల్లులకు ఒక నెల నుంచి మూడేళ్ల వయసున్న చిన్నారులు ఉన్నారు. టీకా పొందిన 48 గంటల తర్వాతే వీరి నుంచి నమూనాలను సేకరించారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని