Cyber Attack: సైబర్‌ దాడి.. ఆ దేశమంతా నిలిచిపోయిన పెట్రోల్‌ పంపిణీ

తాజా వార్తలు

Published : 26/10/2021 23:25 IST

Cyber Attack: సైబర్‌ దాడి.. ఆ దేశమంతా నిలిచిపోయిన పెట్రోల్‌ పంపిణీ

టెహ్రాన్‌: ఇరాన్‌పై మంగళవారం సైబర్‌దాడి జరిగింది. దీని కారణంగా దేశవ్యాప్తంగా గ్యాస్ స్టేషన్లలో ఇంధన పంపిణీ వ్యవస్థ నిలిచిపోయినట్లు అధికారిక మీడియా ఇస్లామిక్‌ రిపబ్లిక్‌ ఆఫ్‌ బ్రాడ్‌కాస్టింగ్‌(ఐఆర్‌ఐబీ) వెల్లడించింది. ఈ సైబర్‌ దాడి కారణంగా రాయితీ పెట్రోల్‌ విక్రయాలకు అంతరాయం ఏర్పడిందని, దీంతో దేశవ్యాప్తంగా గ్యాస్ స్టేషన్‌ల వద్ద జనాలు భారీ ఎత్తున బారులు తీరారని పేర్కొంది. ‘సైబర్‌ అటాక్‌ కారణంగా కొన్ని గంటలుగా గ్యాస్ స్టేషన్లలో ఇంధనం నింపే వ్యవస్థలో అంతరాయం ఏర్పడింది. సాంకేతిక నిపుణులు సమస్యను పరిష్కరించేందుకు యత్నిస్తున్నారు. త్వరలో పరిస్థితులు సాధారణానికి చేరుకుంటాయి’ అని తెలిపింది.

‘అప్రమత్తంగానే ఉన్నాం’

ఇంధన ధరల పెరుగుదలను వ్యతిరేకిస్తూ.. 2019 నవంబర్‌లో ఇరాన్‌ పౌరులు పెద్దఎత్తున నిరసనలకు దిగారు. ఆ సందర్భంలో భద్రతా దళాలు వందల మందిని హతమర్చాయని అప్పట్లో వార్తలు వచ్చాయి. ఈ ఘటనకు మరికొద్ది రోజుల్లో రెండేళ్లు పూర్తికానున్న తరుణంలో తాజాగా ఈ అంతరాయం కలగడం స్థానికంగా చర్చనీయాంశమైంది. అయితే.. ఆన్‌లైన్ దాడుల విషయంలో అత్యంత అప్రమత్తంగా ఉన్నామని ఇరాన్‌ పేర్కొంది. గతంలోనూ ఈ దేశంలో సైబర్‌ దాడులు జరిగాయి. అమెరికా, ఇతర పాశ్చాత్య శక్తులే తమ నెట్‌వర్క్‌లకు అంతరాయం కలిగించడానికి యత్నిస్తున్నాయని ఇరాన్‌ ఆరోపించింది. జులైలోనూ రవాణా మంత్రిత్వ శాఖ వెబ్‌సైట్‌ మాయం కాగ, అధికారిక మీడియా దాన్ని సైబర్ అంతరాయంగా పేర్కొంది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని