విమానయాన రంగం కొత్తపుంతలు: ‘జపాన్‌’ మిస్టరీ డెస్టినేషన్‌!

తాజా వార్తలు

Updated : 20/10/2021 19:40 IST

విమానయాన రంగం కొత్తపుంతలు: ‘జపాన్‌’ మిస్టరీ డెస్టినేషన్‌!

 

ఇంటర్నెట్‌ డెస్క్‌: కరోనా.. లాక్‌డౌన్‌ సమయంలో దాదాపు అన్ని సేవలు మూతపడ్డాయి. ప్రపంచవ్యాప్తంగా విమాన ప్రయాణాలను నిషేధించడంతో విమానయానరంగం కూడా కుంటుపడింది. జపాన్‌లోనూ అదే పరిస్థితి. ఇటీవల తిరిగి విమాన సేవలకు అనుమతులు రావడంతో అక్కడి ప్రజలు విహారయాత్రలకు వెళ్లడానికి సిద్ధపడుతున్నారట. దీంతో విమానయానరంగానికి, పర్యటక రంగానికి పూర్వవైభవం తీసుకొచ్చేందుకు అక్కడి పీచ్‌ ఏవియేషన్‌ సంస్థ.. ‘మిస్టరీ డెస్టినేషన్‌’ పేరుతో వినూత్న ప్రయత్నం చేస్తోంది. అదేంటంటే..

కొంతమందికి విహాయరయాత్రకు వెళ్లాలని ఉన్నా.. ఎక్కడికి వెళ్లాలో తెలియక తికమకపడుతుంటారు. అలాంటి వారే లక్ష్యంగా సరికొత్త టికెట్‌ వెండింగ్‌ మిషన్‌ను ఏర్పాటు చేసింది. పలు విమానాశ్రయాల్లో అందుబాటులో ఉన్న ఈ వెండింగ్‌ మిషన్‌లో చిన్న చిన్న ప్లాస్టిక్‌ బాల్స్‌ ఉంటాయి. ఒక్కో బాల్‌ లోపల విహారయాత్రలకు అనువుగా ఉండే సప్పొరో, సెండాయ్‌, నగోయా, ఫుకవొకా, కగోషిమా సహా వివిధ ప్రాంతాల పేరుతో టికెట్స్‌ పెట్టారు. ఒక్క బాల్‌ ధర 5వేల యెన్లు(రూ.3,285). పర్యటకులు ఈ బాల్‌ను కొనుగోలు చేసి.. దాన్ని ఓపెన్‌ చేస్తే అందులో సందర్శక ప్రాంతం పేరుతో టికెట్‌ కనిపిస్తుంది. అప్పటికప్పుడు ఆ ప్రాంతానికి వెళ్లే విమానం ఎక్కేయడమే తరువాయి. టికెట్‌తోపాటు కొన్ని రివార్డు పాయింట్లు కూడా లభిస్తాయి. ఈ ఆఫర్‌ను దేశీయ పర్యటనను ప్రోత్సహించడంలో భాగంగానే అందిస్తున్నామని పీచ్‌ ఏవియేషన్‌ సంస్థ చెబుతోంది. 



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని