Maharashtra Calls Bandh: మహారాష్ట్రలో రేపు బంద్‌.. కానీ, మేము పాటించం: వ్యాపారులు

తాజా వార్తలు

Published : 10/10/2021 20:53 IST

Maharashtra Calls Bandh: మహారాష్ట్రలో రేపు బంద్‌.. కానీ, మేము పాటించం: వ్యాపారులు

ముంబయి: ఉత్తర్‌ప్రదేశ్‌లోని లఖింపూర్ ఖేరిలో జరిగిన ఘటనకు నిరసనగా రేపు(అక్టోబర్ 11న) రాష్ట్రవ్యాప్తంగా బంద్‌కు మహారాష్ట్రలో అధికారంలో ఉన్న మహా వికాస్‌ అఘాడి  ప్రభుత్వం పిలుపునిచ్చింది. ఎన్‌సిపి, కాంగ్రెస్, శివసేన కూటమి ఏర్పాటు చేసిన విలేకరుల సమావేశంలో ఈ విషయాన్ని వెల్లడించింది. రైతులకు మద్దతుగా బంద్‌ పాటించాలని నిర్ణయించింది. ఈ మేరకు ఓ ప్రకటనను విడుదల చేసింది. అత్యవసర సేవలు మినహా అన్ని దుకాణాలు మూసివేసి ఉంటాయని ప్రకటనలో పేర్కొంది. అయితే, ఈ ప్రకటనపై ఫెడరేషన్ ఆఫ్ రిటైల్ ట్రేడర్స్ వెల్ఫేర్ అసోసియేషన్ (FRTWA) స్పందిస్తూ.. ఉత్తర్‌ప్రదేశ్‌లోని లఖింపూర్ ఖేరిలో రైతులపై జరిగిన సంఘటనను పూర్తిగా వ్యతిరేకిస్తున్నామని.. కానీ, బంద్‌కు మాత్రం మా మద్దతు ఇవ్వలేమని తేల్చి చెప్పింది.

‘‘కరోనా వ్యాప్తితో విధించిన లాక్‌డౌన్‌ వల్ల చాలా ఆర్థిక  ఇబ్బందులు ఎదుర్కొన్నాం. ఇప్పుడిప్పుడే వ్యాపార లావాదేవీలు నెమ్మదిగా పుంజుకొంటున్నాయి. పండగల సీజన్‌ కావడంతో ప్రజలు షాపింగ్ చేయడానికి వస్తారు. మా వ్యాపారాలను ప్రశాంతంగా చేసుకోనివ్వండి. రిటైల్ దుకాణాలను తెరిచి ఉంచేలా అనుమతించాలని ప్రభుత్వానికి విజ్ఞప్తి చేస్తున్నాం. మా దుకాణాలను బలవంతంగా మూసివేయవద్దని కోరుతున్నాం’’ అని వారు ఓ ప్రకటనలో పేర్కొన్నారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని