Delta plus: మహారాష్ట్రలో తొలి మరణం నమోదు!

తాజా వార్తలు

Published : 25/06/2021 16:00 IST

Delta plus: మహారాష్ట్రలో తొలి మరణం నమోదు!

ముంబయి: కరోనా వైరస్‌ రోజుకో కొత్తరూపంతో మానవాళిని కలవరపెడుతోంది. కరోనా సెకండ్‌ వేవ్‌ విజృంభణతో పరిస్థితులు ఇప్పుడిప్పుడే కుదుటపడుతున్న తరుణంలో కరోనా డెల్టా ప్లస్‌ వేరియంట్‌ చాపకింద నీరులా వ్యాప్తి చెందుతోంది. గత నెలలో మధ్యప్రదేశ్‌లో డెల్టా ప్లస్‌ వేరియంట్‌తో ఒకరు మరణించినట్టు వార్తలు రాగా.. తాజాగా మహారాష్ట్రలో తొలి మరణం సంభవించినట్టు అక్కడి ప్రభుత్వం వెల్లడించింది. రత్నగిరి జిల్లా సంఘమేశ్వర్‌ ప్రాంతంలో 80 ఏళ్ల వృద్ధురాలు డెల్టా ప్లస్‌ వైరస్‌ బారినపడి మృతి చెందినట్టు ఆరోగ్యశాఖ మంత్రి రాజేశ్‌ తోపే తెలిపారు. అయితే, ఆమెకు వయోసంబంధమైన ఇతర అనారోగ్య సమస్యలు కూడా ఉన్నట్టు తెలిపారు. 

దేశంలోనే అత్యధికంగా డెల్టాప్లస్‌ కేసులు మహారాష్ట్రలో ఉన్నాయి. రాష్ట్రంలో 21 కేసులు ఉండగా.. ఒకరు మరణించినట్టు ఆరోగ్యశాఖ మంత్రి వెల్లడించారు. ప్రస్తుతం 20 కేసులు ఉన్నాయని, వారందరినీ వైద్య బృందాలు నిశితంగా పరిశీలిస్తున్నట్టు తెలిపారు. అందరి ఆరోగ్యం నిలకడగానే ఉన్నట్టు పేర్కొన్నారు.

టీకా పంపిణీలో మహారాష్ట్ర రికార్డు

టీకాల పంపిణీలో మహారాష్ట్ర కీలక మైలురాయిని అధిగమించింది. దేశంలో మూడు కోట్ల వ్యాక్సిన్‌ డోసులు పంపిణీ చేసిన తొలి రాష్ట్రంగా నిలిచింది. ఈ రోజు మధ్యాహ్నం 2గంటల సమయానికి రాష్ట్ర వ్యాప్తంగా 3,00,27,217 డోసులు పంపిణీ చేసినట్టు అధికారులు వెల్లడించారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని