‘అంబానీ ఇంటివద్ద వాహనం కేసు’ ఎన్‌ఐఏకి..

తాజా వార్తలు

Published : 08/03/2021 21:06 IST

‘అంబానీ ఇంటివద్ద వాహనం కేసు’ ఎన్‌ఐఏకి..

దిల్లీ: ప్రముఖ పారిశ్రామికవేత్త ముకేశ్‌ అంబానీ నివాసానికి సమీపంలో పేలుడు పదార్థాల వాహనం కేసు దర్యాప్తును జాతీయ దర్యాప్తు సంస్థ(ఎన్‌ఐఏ)కు అప్పగించారు. కేంద్ర హోంశాఖ ఆదేశాల మేరకు ఈ ఘటనలో దర్యాప్తు బాధ్యతలు తీసుకున్నామని ఎన్‌ఐఏ అధికారిక ప్రతినిధి సోమవారం వెల్లడించారు. ఆ ఘటనపై మళ్లీ కేసు నమోదు చేయనున్నట్లు తెలిపారు. అయితే వాహన యజమాని మన్‌సుఖ్‌ హీరేన్‌ మృతి కేసును మాత్రం ఉగ్రవాద నిరోధక బృందం(ఏటీఎస్‌) దర్యాప్తు చేయనుంది. 

దక్షిణ ముంబయిలోని అంబానీ ఇంటికి సమీపంలో ఫిబ్రవరి 25న జిలెటిన్‌ స్టిక్స్‌తో ఉన్న ఓ వాహనాన్ని పోలీసులు కనుగొన్న సంగతి తెలిసిందే. ఆ వాహనంలో 20 జిలిటెన్‌ స్టిక్స్‌ ఉండటం కలకలం సృష్టించింది. దీంతో అప్రమత్తమైన పోలీసులు దర్యాప్తు చేపట్టారు. అయితే ఆ వాహనం తనదేనని, వారం రోజుల ముందే అది చోరీకి గురైనట్లు మన్‌సుఖ్‌ అనే వ్యక్తి పోలీసులకు చెప్పారు. దానిపై పోలీసులు దర్యాప్తు చేస్తుండగా.. అనూహ్యంగా ఆయన చనిపోవడం గమనార్హం. గత శుక్రవారం ఠాణేలోని సముద్రపు ఒడ్డున మన్‌సుఖ్‌ శవమై కన్పించారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని