Citizenship Act: సీఏఏకు సవరణల్లేవ్‌.. తేల్చి చెప్పిన కేంద్రం

తాజా వార్తలు

Published : 04/08/2021 20:50 IST

Citizenship Act: సీఏఏకు సవరణల్లేవ్‌.. తేల్చి చెప్పిన కేంద్రం

దిల్లీ: పౌరసత్వ సవరణ చట్టానికి (సీఏఏ) సవరణలు చేసే ఉద్దేశమేదీ లేదని కేంద్రం స్పష్టంచేసింది. కొత్తగా ఇతర మైనారిటీలను ఈ జాబితాలో చేర్చే అంశమేదీ  పరిశీలనలో లేదని తేల్చిచెప్పింది. ఈ మేరకు రాజ్యసభలో ఓ సభ్యుడు అడిగిన ప్రశ్నకు కేంద్ర హోంశాఖ సహాయమంత్రి నిత్యానందరాయ్‌ లిఖిత పూర్వక సమాధానం ఇచ్చారు.

పాకిస్థాన్‌, బంగ్లాదేశ్‌, అఫ్గానిస్థాన్‌ నుంచి తరలివచ్చిన హిందూ, సిక్కులు, జైనులు, బౌద్ధులు, పార్సీలు, క్రైస్తవులకు భారత పౌరసత్వం ఇచ్చేందుకు 2019లో సీఏఏను కేంద్రం తీసుకొచ్చిన సంగతి తెలిసిందే. అలాగే ఈ చట్టానికి నిబంధనల రూపకల్పన చేయాల్సి ఉందని నిత్యానందరాయ్‌ చెప్పారు. ఇందుకు 2022 జనవరి 9 వరకు పార్లమెంట్‌ గడువు ఇచ్చిందని వెల్లడించారు. నిబంధనల రూపకల్పన జరిగాకే దరఖాస్తులు పరిశీలించి పౌరసత్వం అందిస్తామని చెప్పారు. సాధారణంగా చట్టం రూపుదాల్చిన తర్వాత ఆరు నెలల్లోగా నియమ నిబంధనలను రూపొందించాల్సి ఉంటుంది. ఇప్పటి వరకు నిబంధనల ఖరారుకు 5 సార్లు కేంద్రం గడువు కోరింది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని