India Corona: 25 వేలకు దిగొచ్చిన కేసులు.. 75 కోట్లు దాటిన టీకా డోసులు

తాజా వార్తలు

Updated : 14/09/2021 13:03 IST

India Corona: 25 వేలకు దిగొచ్చిన కేసులు.. 75 కోట్లు దాటిన టీకా డోసులు

దిల్లీ: దేశంలో వరుసగా మూడో రోజు 30 వేల దిగువనే కరోనా కొత్త కేసులు నమోదయ్యాయి. మరణాలు మాత్రం 300 దాటాయి. ఇక కేరళ, మహారాష్ట్రలో కూడా పరిస్థితులు అదుపులో ఉన్నట్లు గణాంకాలను బట్టి తెలుస్తోంది. కేరళలో నిన్న 15,058 కొత్త కేసులు.. 99 మరణాలు వెలుగులోకి వచ్చాయి.

24 గంటల వ్యవధిలో దేశవ్యాప్తంగా 14,30,891 మందికి కొవిడ్ నిర్ధారణ పరీక్షలు నిర్వహించగా..25,404 మందికి వైరస్‌ పాజిటివ్‌గా తేలింది. 339 మంది ప్రాణాలు కోల్పోయారు. ఒక్క హరియాణా రాష్ట్రంలోనే 121 మంది మృత్యుఒడికి చేరుకున్నారు. అక్కడి ప్రభుత్వం మరణాల లెక్కను సవరించడంతో మృతుల సంఖ్య భారీగా పెరిగింది. ఇక దేశంలో మొత్తం కేసులు 3.32 కోట్ల మార్కును దాటగా.. మరణాల సంఖ్య 4,43,213కి చేరింది.

నిన్న 37వేల మంది కొవిడ్ నుంచి కోలుకున్నారు. మొత్తంగా వైరస్‌ నుంచి బయటపడిన వారి సంఖ్య 3.24కోట్లు(97.58 శాతం)గా ఉంది. ప్రస్తుతం 3,62,207(1.09 శాతం)క్రియాశీల కేసులు ఉన్నాయి.

75 కోట్ల టీకా డోసుల పంపిణీ.. ఈ ఏడాది జనవరిలో మనదేశంలో కరోనా టీకా కార్యక్రమం ప్రారంభమైంది. ఆ రోజు నుంచి కేంద్రం ఇప్పటి వరకూ 75,22,38,324 టీకా డోసుల్ని పంపిణీ చేసింది. నిన్న ఒక్కరోజే 78,66,950 మంది టీకా వేయించుకున్నారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని