India Corona Update: హమ్మయ్య.. 35వేలకు కొత్తకేసులు

తాజా వార్తలు

Updated : 23/07/2021 10:55 IST

India Corona Update: హమ్మయ్య.. 35వేలకు కొత్తకేసులు

500 దిగువకు మరణాలు

దిల్లీ: దేశంలో కరోనా కేసుల్లో హెచ్చుతగ్గులు కన్పిస్తున్నాయి. అయితే గత కొద్ది రోజులుగా రికవరీల కంటే కొత్త కేసులే ఎక్కువగా నమోదవుతుండగా.. తాజాగా కోలుకున్నవారి సంఖ్యే అధికంగా ఉండటం కాస్త ఊరటనిస్తోంది. ఇక ముందు రోజు(41 వేల కేసులు)తో పోలిస్తే కొత్త కేసుల సంఖ్య కూడా గణనీయంగా తగ్గింది. తాజాగా 35వేల కేసులు వెలుగు చూడగా.. మరణాలు కూడా 500లోపే నమోదైనట్లు కేంద్ర ఆరోగ్యశాఖ గణాంకాలు వెల్లడించాయి.

* గురువారం ఉదయం 8 గంటల నుంచి శుక్రవారం ఉదయం 8 గంటల వరకు దేశవ్యాప్తంగా 16.68లక్షల మందికి వైరస్‌ పరీక్షలు నిర్వహించగా.. 35,342 మందికి పాజిటివ్‌గా నిర్ధారణ అయ్యింది. దీంతో మొత్తం కేసుల సంఖ్య 3.12కోట్లు దాటింది.

* ఇక ఇదే సమయంలో 38,740 మంది కోలుకోగా.. మొత్తం రికవరీల సంఖ్య 3,04,68,079కు చేరింది. రికవరీ రేటు 97.35శాతంగా ఉంది.

* 24 గంటల వ్యవధిలో మరో 483 మంది వైరస్‌కు బలయ్యారు. మరణాల రేటు 1.34శాతంగా ఉంది. మహమ్మారి దేశంలోకి ప్రవేశించిన నాటి నుంచి ఇప్పటివరకు 4,19,470 మంది కరోనాతో మృత్యువాత పడ్డారు.

*  యాక్టివ్‌ కేసుల సంఖ్య 4లక్షల పైనే ఉంటోంది. ప్రస్తుతం దేశవ్యాప్తంగా 4,05,513 మంది వైరస్‌తో బాధపడుతున్నారు. క్రియాశీల రేటు 1.31శాతానికి చేరింది.

* ఇక దేశంలో మొత్తం టీకాలు అందుకున్నవారి సంఖ్య 42 కోట్లు దాటింది.  గురువారం 54.76లక్షల మందికి టీకాలు అందించారు. దీంతో ఇప్పటివరకు మొత్తం 42,34,17,030 మందికి వ్యాక్సిన్‌ వేశారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని