Modi: ఆ కళ్లద్దాలు పెట్టుకున్నప్పుడే హక్కుల ఉల్లంఘన కనిపిస్తుంది

తాజా వార్తలు

Published : 12/10/2021 23:24 IST

Modi: ఆ కళ్లద్దాలు పెట్టుకున్నప్పుడే హక్కుల ఉల్లంఘన కనిపిస్తుంది

ఎన్‌హెచ్‌ఆర్‌సీ వ్యవస్థాపక దినోత్సవం సందర్భంగా మాట్లాడిన మోదీ

దిల్లీ: తమ రాజకీయ ప్రయోజనాలకు అనుగుణంగా కొందరు మానవ హక్కుల అంశాన్ని మలచుకోవడం దేశ ప్రతిష్ఠను దెబ్బతీస్తుందని ప్రధాని నరేంద్ర మోదీ అసహనం వ్యక్తం చేశారు. ఆ తీరు ప్రజాస్వామ్యానికి హాని తలపెడుతుందని విమర్శించారు. జాతీయ మానవ హక్కుల కమిషన్(ఎన్‌హెచ్‌ఆర్‌సీ) 28వ వ్యవస్థాపక దినోత్సవం సందర్భంగా మంగళవారం జరిగిన కార్యక్రమంలో ప్రధాని ఈ వ్యాఖ్యలు చేశారు.

‘కొందరు వ్యక్తులు కొన్ని ఘటనల్లో మానవ హక్కుల ఉల్లంఘనల్ని ఎత్తి చూపుతారు. అదే తరహాలో జరిగిన ఇతర ఘటనల్లో మాత్రం నోరు మెదపరు. రాజకీయ కళ్లద్దాలు పెట్టుకున్నప్పుడు మాత్రమే వారికి ఉల్లంఘన గురించి కనిపిస్తుంది. ఈ వైఖరి ప్రజాస్వామ్యానికి హాని తలపెడుతుంది. మరికొందరు మానవ హక్కుల పేరిట దేశ ప్రతిష్ఠను దెబ్బతీసేందుకు ప్రయత్నిస్తారు. దాని గురించి మనం అప్రమత్తంగా ఉండాలి. హక్కుల విషయంలో రాజకీయంగా పొందే లాభాలు, నష్టాలపై దృష్టి పెట్టడం సరికాదు’ అంటూ మోదీ తప్పుపట్టారు. రాజకీయాలకు భిన్నంగా అట్టడుగు వర్గాల హక్కులు, గౌరవాన్ని కాపాడటంలో ఎన్‌హెచ్‌ఆర్‌సీ కీలక పాత్ర పోషిస్తోందని ప్రశంసించారు.

అహింసాయుత ఉద్యమం ద్వారా భారత స్వాతంత్ర్య పోరాటానికి నాయకత్వం వహించిన మహాత్మా గాంధీని మానవ హక్కులు, మానవ విలువలకు ప్రతీకగా ఈ ప్రపంచం చూస్తోందన్నారు. ఎలాంటి పరిస్థితుల్లో అయినా భారత్ మానవ హక్కులకు కట్టుబడి ఉంటుందని చెప్పారు. కేంద్రం తీసుకువచ్చే పథకాలు, ట్రిపుల్‌ తలాక్‌ రద్దు, మహిళలకు 26 వారాల ప్రసూతి సెలవులు, అబార్షన్ చట్టాల్లో సంస్కరణ వంటి వాటి ఉద్దేశమూ ఇదేనని వెల్లడించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని