US lawmakers to Biden: అణ్వాయుధాలు ఉగ్రమూక చేతికి అందకుండా చూడండి..!

తాజా వార్తలు

Published : 26/08/2021 23:31 IST

US lawmakers to Biden: అణ్వాయుధాలు ఉగ్రమూక చేతికి అందకుండా చూడండి..!

ఇంటర్నెట్‌డెస్క్‌: తాలిబన్ల చేతికి పాక్‌లోని అణ్వాయుధాలు చేరకుండా చూడాలని అమెరికా చట్టసభ సభ్యులు అధ్యక్షుడు జోబైడెన్‌కు విజ్ఞప్తి చేశారు. అఫ్గానిస్థాన్లో ఏం జరిగింది.. అమెరికా భవిష్యత్తు ప్రణాళిక ఏమిటనే అంశంపై బైడెన్‌ సమాధానం చెప్పాలని వారు డిమాండ్‌ చేశారు. ‘‘తాలిబన్లు సరిహద్దులను సైనికీకరణ చేస్తే అమెరికా మిత్రులను రక్షించడానికి సిద్ధంగా ఉన్నారా..? అణ్వాయుధ దేశమైన పాక్‌ను తాలిబన్లు అస్థిరపర్చకుండా మీ ప్లాన్లు ఏమిటీ.. తాలిబన్ల నేతృత్వంలోని అఫ్గానిస్థాన్‌కు అణ్వాయుధాలు దక్కకుండా చేయడానికి ప్రణాళిక ఏమిటీ..?’’ అని అమెరికా కాంగ్రెస్‌ ఉభయ సభల్లోని 68 మంది చట్టసభ సభ్యులు ప్రశ్నిస్తూ ఓ లేఖ రాశారు. 

తాలిబన్లు అఫ్గాన్‌ భూభాగాన్ని ఆక్రమించుకొన్న వేగం చూసి షాకైనట్లు ఆ సభ్యులు పేర్కొన్నారు. అఫ్గానిస్థాన్‌లో మిగిలిన సైనికులను కూడా ఉపసంహరించుకోవడం స్వయంకృతాపరాధంగా అభివర్ణించారు. దీనికి తోడు ఇప్పుడు సిబ్బంది తరలింపులో అనవసర జాప్యం చేస్తున్నారని తప్పు పట్టారు.

అఫ్గానిస్థాన్‌లో పరిస్థితులు మారిపోయి వేగంగా తాలిబన్ల పాలనలోకి వెళ్లిపోయిందన్నారు. మహిళలు, బాలికల అణచివేత  ప్రారంభమైందన్నారు. ప్రజలు ప్రాణాలు అరచేత పెట్టుకొని ఇతర దేశాలకు పారిపోతుంటే.. తాలిబన్లు వారిని బలవంతంగా అడ్డుకొంటున్నారని చెప్పారు. అదే సమయంలో చైనా తాలిబన్లతో సంబంధాలు పెంచుకొంటోందని పేర్కొంది. అమెరికా బలగాల ఉపసంహరణతో తలెత్తే భౌగోళిక రాజకీయ మార్పులు ఇప్పటికే మొదలయ్యాయని పేర్కొన్నారు. ఇవి కొన్ని దశాబ్దాలపాటు అమెరికాపై ప్రభావం చూపిస్తాయని ఆందోళన వ్యక్తం చేశారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని