
తాజా వార్తలు
₹7.3వేల కోట్ల డ్రగ్స్ అనుకున్నారు.. బోల్తా పడ్డారు!
(Photo: thai oncb twitter)
ఇంటర్నెట్ డెస్క్: ‘అనుకున్నది ఒక్కటి.. అయినది ఒక్కటి’ అని ఓ తెలుగు సినిమాలో పాట ఉంది. ఓ కేసు విషయంలో థాయ్లాండ్ అధికారులకు ఈ పాట సరిగ్గా సరిపోతుంది. ఎందుకంటే.. ఇటీవల భారీగా డ్రగ్స్ నిల్వలను పట్టుకున్నామని, దేశంలో అత్యంత భారీ డ్రగ్స్ పట్టివేత ఇదేనని గొప్పగా ప్రకటించిన నార్కోటిక్ అధికారులు, పోలీసులు.. వాళ్లు స్వాధీనం చేసుకున్నది అసలు డ్రగ్సే కాదని తెలిసి ఖంగుతిన్నారు.
‘కెటమిన్’ అనే డ్రగ్ను సాధారణంగా వైద్యరంగంలో ఔషధంగా ఉపయోగిస్తారు. అనెస్తీషియా, నొప్పి నివారణకు వాడుతుంటారు. అయితే ఈ ఔషధానికి మత్తు ఇచ్చే గుణం ఉండటంతో థాయ్లాండ్లోని నైట్ క్లబ్స్లో యువత, టూరిస్టులు దీన్ని డ్రగ్లా వాడుతున్నారు. కాగా, నవంబర్ 12న నార్కోటిక్ అధికారులకు చాచోఎంగ్సావో ప్రావిన్స్లోని టాంబొన్ తా ఖమ్ ప్రాంతంలో ఉన్న ఓ గోదాంలో పెద్ద మొత్తంలో కెటమిన్ డ్రగ్ నిల్వలు ఉన్నట్లు సమాచారం వచ్చింది. వెంటనే గోదాంపై దాడి చేసి దాదాపు 11.5 టన్నుల బరువున్న 475 బస్తాలను స్వాధీనం చేసుకున్నారు. డ్రగ్స్ నమూనా సేకరించి పరీక్షించగా అది కెటమిన్ అని నిర్థారణ కావడంతో అధికారులు.. మీడియాకు ఈ కేసు వివరాలు వెల్లడించారు. దేశంలోనే అత్యంత భారీ డ్రగ్స్ నిల్వను పట్టుకున్నామని, వీటి విలువ దాదాపు 1 బిలియన్ యూఎస్ డాలర్లు (₹7.3వేల కోట్లు) ఉంటుందని వెల్లడించారు.
ఆ తర్వాత.. స్వాధీనం చేసుకున్న బస్తాలను అధికారులు పతుమ్ థాని ప్రావిన్స్కు తీసుకెళ్లి 66 బస్తాల నుంచి నమూనాలు సేకరించి మళ్లీ పరీక్షించారు. ఈ సారి పరీక్ష ఫలితాల్లో అది కెటమిన్ కాదని తెలింది. కెటమిన్లాగే ఉండే ట్రైసోడియం ఫాస్ఫెట్ అని పరీక్షించిన వైద్య నిపుణులు స్పష్టం చేశారు. ట్రైసోడియం ఫాస్ఫెట్ను ఆహారం తయారీలో ఉపయోగిస్తుంటారు. అలాగే మరకలు తొలగించే డిటర్జెంట్ పౌడర్లా కూడా ఉపయోగపడుతుంది. ఈ కేసులో తాము చేసిన పొరపాటును గ్రహించిన అధికారులు నాలుక్కరుచుకున్నారు. ఈ ఘటనపై తాజాగా న్యాయశాఖ మంత్రి సొమ్సాక్ థెప్సుతిన్ స్పందిస్తూ.. సాంకేతిక లోపం, నార్కోటిక్ అధికారుల అవగాహన లేమి కారణంగా ట్రైసోడియం ఫాస్ఫెట్ను కెటమిన్గా పొరపడ్డారని తెలిపారు. తాము తప్పు చేసినట్లు ఒప్పుకున్నారు. ఈ ఘటనపై వచ్చే విమర్శలను మేం భరిస్తామని చెప్పారు. పూర్తిస్థాయిలో మరిన్ని పరీక్షలు నిర్వహించి, దర్యాప్తు చేస్తామని మంత్రి సొమ్సాక్ వెల్లడించారు.
జాతీయ-అంతర్జాతీయ
రాజకీయం
జనరల్
సినిమా
క్రైమ్
స్పోర్ట్స్
బిజినెస్
చిత్ర వార్తలు
సినిమా
- ఇన్కాగ్నిటో నిజంగా పనిచేస్తుందా?
- చరిత్ర సృష్టించిన నయా యార్కర్ కింగ్
- ‘నా మృతదేహాన్ని వాటికి ఆహారంగా వేయండి’
- తమన్నా చీట్: సాయేషా డ్యాన్స్: మంచు కుటుంబం
- ఫిట్గా ఉన్నా.. గుండెపోటు వస్తుందా?
- అరెరె షా.. రోహిత్కు కోపం తెప్పించేశావ్గా!
- ఒంటెను ఢీకొని బెంగళూరు ఫేమస్ బైకర్ మృతి
- సస్పెన్స్కు తెరదించిన శతాబ్ది రాయ్
- మెగా కాంపౌండ్లో మ్యూజికల్ నైట్
- యూట్యూబర్ తప్పుడు రివ్యూ.. మూతపడ్డ హోటల్
ఎక్కువ మంది చదివినవి (Most Read)
