Terror Attack: దేశంలో ఉగ్రదాడికి పాక్‌ కుట్ర.. టిఫిన్‌ బాక్స్‌ బాంబు స్వాధీనం

తాజా వార్తలు

Published : 09/08/2021 16:33 IST

Terror Attack: దేశంలో ఉగ్రదాడికి పాక్‌ కుట్ర.. టిఫిన్‌ బాక్స్‌ బాంబు స్వాధీనం

చండీగఢ్‌: పాకిస్థాన్‌కు చెందిన ఉగ్రవాద సంస్థలు భారత్‌లో ఉగ్రదాడికి ప్రణాళికలు రచిస్తున్నట్లు తెలుస్తోంది. పంజాబ్‌లోని భారత్‌-పాక్‌ అంతర్జాతీయ సరిహద్దు వద్ద టిఫిన్‌ బాక్స్‌ బాంబ్‌, మరికొన్ని పేలుడు పదార్థాలు లభించాయి. కాగా వీటిని డ్రోన్‌ సాయంతో జారవిడిచినట్లు తెలుస్తోంది. అంతర్జాతీయ సరిహద్దుకు సమీపంలో ఉన్న అమృత్‌సర్‌లోని దలేకా గ్రామం వద్ద పోలీసులు ఓ బ్యాగును స్వాధీనం చేసుకున్నారు. బాంబు స్వ్కాడ్‌ సాయంతో వాటిని తెరవగా అందులో 2 కిలోల టిఫిన్‌ బాక్స్‌ బాంబు, 5 గ్రనైడ్‌లతోపాటు మరికొన్ని పరికరాలను స్వాధీనం చేసుకున్నారు.

పంజాబ్‌ డీజీపీ దిన్‌కర్‌ గుప్తా చెప్పిన వివరాల ప్రకారం.. ఆదివారం రాత్రి దలేకా గ్రామస్థులకు డ్రోన్‌ శబ్దాలు వినిపించాయి. ఈ విషయాన్ని వారు స్థానిక సర్పంచ్‌ దృష్టికి తీసుకెళ్లారు. ఆయన పోలీసులకు తెలియజేయడంతో పోలీసులు దర్యాప్తు ప్రారంభించి సరిహద్దుకు సమీపంలో ఈ బ్యాగును స్వాధీనం చేసుకున్నారు. బ్యాగులో టిఫిన్‌ బాక్స్‌లో ఆర్డీఎక్స్‌, 5 గ్రనైడ్‌లు, మూడు డిటోనేటర్లు, ఓ రిమోట్‌తోపాటు మరికొన్ని పరికరాలు లభించినట్లు డీజీపీ తెలిపారు. అయితే ఈ బ్యాగును అత్యాధునిక డ్రోన్‌ సాయంతో జారవిడిచినట్లు ఆయన పేర్కొన్నారు.  ఈ విషయంపై దర్యాప్తు జరుపుతున్నట్లు పేర్కొన్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని