Ramdev: ఆ వ్యాఖ్యలు ఉపసంహరించుకోండి..

తాజా వార్తలు

Published : 23/05/2021 21:38 IST

Ramdev: ఆ వ్యాఖ్యలు ఉపసంహరించుకోండి..

రామ్‌దేవ్‌కు ఆరోగ్యశాఖ శాఖ మంత్రి లేఖ

దిల్లీ: అల్లోపతి వైద్యంపై యోగా గురువు రామ్‌దేవ్‌ బాబా చేసిన వ్యాఖ్యలను కేంద్ర ఆరోగ్యశాఖ మంత్రి ఖండించారు. ఆయన వ్యాఖ్యలు దురదృష్టకరమని అన్నారు. వ్యాఖ్యలను వెంటనే ఉపసంహరించుకోవాలని రామ్‌దేవ్‌ బాబాకు సూచించారు. అల్లోపతి వైద్యంపై రామ్‌దేవ్‌ చేసిన వ్యాఖ్యలపై దుమారం రేగిన నేపథ్యంలో ఆయనకు ఆదివారం లేఖ రాశారు.

‘‘కరోనా వారియర్స్‌ను అవమానించేలా మీ ప్రకటన ఉంది. వారియర్స్‌ సెంటిమెంట్‌ను దెబ్బతీసేలా ఉంది’’ అని హర్షవర్దన్‌ ఆ లేఖలో పేర్కొన్నారు. దేశంలో ఎంతోమంది ప్రాణాలను అల్లోపతి మందులు కాపాడాయని గుర్తుచేశారు. అలాంటి మందులు లక్షల మంది ప్రాణాలు చనిపోవడానికి కారణమయ్యాయని అనడం దురదృష్టకరమని చెప్పారు. వెంటనే ఆ వ్యాఖ్యలను వెనక్కి తీసుకోవాలని సూచించారు. అంతకుముందు అల్లోపతి వైద్యాన్ని అవివేకమైన సైన్స్‌గా రామ్‌దేవ్‌ పేర్కొన్నారు. దీనికి సంబంధించిన వీడియో సర్క్యులేట్‌ అవ్వడంతో ఇండియన్‌ మెడికల్‌ అసోసియేషన్‌ బాబా వ్యాఖ్యలను ఖండించింది. లీగల్‌ నోటీసులు పంపించింది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని