US and Taliban: తొలిసారి అమెరికా-తాలిబన్‌ చర్చలు..!

తాజా వార్తలు

Published : 11/10/2021 23:48 IST

US and Taliban: తొలిసారి అమెరికా-తాలిబన్‌ చర్చలు..!

ఇంటర్నెట్‌డెస్క్‌: అఫ్గాన్‌లో దళాలు ఉపసంహరణ తర్వాత తొలిసారి అమెరికా-తాలిబన్ల మధ్య చర్చలు జరిగాయి. ఈ చర్చలు దోహాలో ఆదివారం రాత్రి ముగిశాయి. దీనిపై అమెరికా అధికారులు స్పందిస్తూ.. తాలిబన్ల పనితీరు బట్టే అమెరికా నిర్ణయాలు ఉంటాయని పేర్కొన్నారు. ఈ చర్చలు పూర్తి రహస్యంగా.. నిర్మాణాత్మకంగా జరిగాయన్నారు. ఈ సమావేశంలో తాలిబన్లకు గుర్తింపుపై ఎటువంటి చర్చ జరగలేదని తెలిపారు.

మరోవైపు తాలిబన్ల ప్రతినిధి మాట్లాడుతూ.. ‘‘భవిష్యత్తులో అఫ్గానిస్థాన్‌కు మానవీయ సాయం అందిస్తామని  అమెరికా ప్రతినిధి తెలిపారు. దీంతో పాటు ఇతర సంస్థలు అఫ్గానిస్థాన్‌కు సాయం చేయడానికి అవసరమైన సౌకర్యాలను కూడా అమెరికా కల్పిస్తుంది’’ అని పేర్కొన్నారు. అయితే అమెరికా వైపు నుంచి దీనిపై ఎలాంటి ధ్రువీకరణ లభించలేదు.

అమెరికా ప్రతినిధి నెడ్‌ప్రైస్‌ మాట్లాడుతూ ఇరుపక్షాలు అఫ్గాన్‌ ప్రజలకు మానవీయ సాయం అందించడంపై బలంగా చర్చించాయని తెలిపారు. ఈ చర్చల్లో ఉగ్రవాదంపై అమెరికా ఆందోళనలు, అమెరికా పౌరులు సురక్షితంగా బయట పడటం వంటి అంశాలపై చర్చించినట్లు ఆయన పేర్కొన్నారు. ఐసిస్‌ ఉగ్రవాదులను సొంత బలంతోనే తరిమి కొడతామని తాలిబన్‌ ప్రతినిధి సొహైల్‌ షహీన్‌ తెలిపారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని