చేతులు కలిపేందుకు సిద్ధం.. ఫౌచీ

తాజా వార్తలు

Published : 21/01/2021 23:10 IST

చేతులు కలిపేందుకు సిద్ధం.. ఫౌచీ

ప్రపంచ ఆరోగ్య సంస్థ, కోవాక్స్‌లతో చేరుతామని ప్రకటన

జెనీవా: ప్రపంచ ఆరోగ్య సంస్థతో మళ్లీ చేతులు కలపాలని అమెరికా కోరుకుంటున్నట్టు.. ఆ దేశ అధ్యక్షుడు బైడెన్‌  ప్రధాన వైద్య సలహాదారు అంటోనీ ఫౌచీ ప్రకటించారు. అంతేకాకుండా గతంలో మాదిరిగానే సంస్థకు నిధులను కూడా సమకూర్చనుందని ఆయన తెలిపారు. కొవిడ్‌ వ్యాక్సిన్‌ను ప్రపంచ దేశాలకు అందించేందుకు ఉద్దేశించిన కొవాక్స్‌ కూటమిలో కూడా అమెరికా చేరే యోచనలో ఉందని ఆయన అన్నారు. అధ్యక్షుడు బైడెన్‌ ఈ మేరకు నేడు ఓ ఆదేశాన్ని వెలువరిస్తారని.. సంస్థ ప్రధాన కార్యాలయంలో జరిగిన ఎగ్జిక్యూటివ్‌ బోర్డు సమావేశంలో ఫౌచీ వెల్లడించారు.  అంతేకాకుండా అమెరికా ప్రపంచ ఆరోగ్య సంస్థ సభ్యదేశంగా కొనసాగుతుందని కూడా ఆయన స్పష్టం చేశారు. 

అమెరికా తొలి నుంచి ప్రపంచ ఆరోగ్య సంస్థకు ప్రధాన దాతగా ఉంటూ వస్తోంది. కాగా, ఈ సంస్థ చైనాకు కొమ్ము కాస్తోందనే నెపంతో.. అప్పటి అధ్యక్షుడు డొనాల్డ్‌ ట్రంప్‌ గత జులై నుంచి సంస్థకు నిధులను నిలిపివేసిన సంగతి తెలిసిందే. ఇక కరోనా టీకా అభివృద్ధి, ప్రపంచ వ్యాప్త పంపిణీయే లక్ష్యంగా అంతర్జాతీయ కూటమి ‘కోవాక్స్‌’ ఏర్పాటైంది. పేద, ధనిక భేదం లేకుండా ప్రపంచ దేశాలన్నిటికీ సమానంగా పంపిణీ చేసే ఈ కార్యక్రమాన్ని.. ప్రపంచ ఆరోగ్య సంస్థ, గావి పర్యవేక్షిస్తున్నాయి. ఐతే సంస్థ నుంచి అమెరికా వైదొలగటంతో ఈ కార్యక్రమాలను నిధుల కొరత పీడిస్తోంది. ఈ నేపథ్యంలో ఫౌచీ ప్రకటనతో ప్రపంచ ఆరోగ్య సంస్థ చేపట్టే కొవిడ్‌ కట్టడి కార్యక్రమానికి మరింత చేయూత లభించినట్లయింది.

ఇవీ చదవండి..

అందరికీ టీకా లభిస్తుంది..

సీరమ్‌ సంస్థలో భారీ అగ్ని ప్రమాదం


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని