Covid test: ఏ సమయంలో కొవిడ్‌ పరీక్ష మంచిదంటే..

ప్రధానాంశాలు

Updated : 28/10/2021 06:56 IST

Covid test: ఏ సమయంలో కొవిడ్‌ పరీక్ష మంచిదంటే..

వాషింగ్టన్‌: కొవిడ్‌ పరీక్ష రోజులో ఎప్పుడు చేయించుకున్నా ఫలితం ఒకేలా ఉంటుందా? ఇదేం సందేహం అనుకోకండి. రాత్రి వేళతో పోలిస్తే... మధ్యాహ్న సమయంలో కొవిడ్‌ పరీక్ష చేయించుకోవడం ద్వారా  రెండింతలు కచ్చితంగా ‘పాజిటివ్‌’ ఫలితం వెల్లడి అవుతుందని తాజా పరిశోధనలో తేలింది! వండర్‌బిల్ట్‌ యూనివర్సిటీ శాస్త్రవేత్తలు ఈ విషయాన్ని రూఢి పరిచారు. శరీరంలో అత్యంత సహజంగా జరిగే నిద్ర-మేలుకొలుపు ప్రక్రియను ‘సర్కాడియన్‌ రిథమ్‌’ అంటారు. 24 గంటలకోసారి ఇది పునరావృతం అవుతుంది. ఈ లయబద్ధ జీవనచక్రం కారణంగా రోగనిరోధక వ్యవస్థ మధ్యాహ్నం వేళ అత్యంత చురుగ్గా ఉంటుంది. ఇన్ఫెక్షన్‌కు గురైన కణాలు... రక్తం, శ్లేష్మంలోకి వైరస్‌, బ్యాక్టీరియా అణువులను సరిగ్గా ఆ సమయంలోనే అధికంగా విడుదల చేస్తుంటాయి. కాబట్టి, మధ్యాహ్నం వేళ కొవిడ్‌ పరీక్ష చేయించుకుంటే ఫలితం మరింత కచ్చితంగా వచ్చే అవకాశముంది.



Advertisement

Tags :

మరిన్ని

జిల్లా వార్తలు
మరిన్ని

దేవతార్చన